باس الرجاجيل

[متعب بن طواله]

هذه القصيده اهداء الى سمو الامير فيصل بن سعود بن محمد ال سعود ..........حفظه الله

* * * * * * * * * * * * * * * * * * * * * * * * * * * * * * * * * * * * * * * * * * *







[frame="9 70"]
[poem=font="Traditional Arabic,7,white,normal,normal" bkcolor="green" bkimage="" border="double,10,green" type=2 line=0 align=center use=ex num="0,black""]
عقبك يابن فيصل نهاري غدى ليل=يابومحمد لايطول انتظارك
ياسيدي تفرق على الجدي وسهيل= ويفرق على درب السحايب مسارك
ياللي كفوفك ريع جود ومحاصيل= كلٍ حصد من سنبله ويتبارك
الجود من يمناك يكتال ويكيل= دار المراجل مجلسٍ وسط دارك
مكارمك حير الخلاص المحاميل= تمد بعذوق المنافع ثمارك
انت الربيع اليا تبع سيله السيل= تبادلو مثل الهدايا خبارك
يشيخ به نبت الصحاصيح ويميل= وترسم مثل شكل الاهله قفارك
نبع الجمايل من يمينك نهر نيل= عندك نظا الهقوات حمرن تبارك
تسرِج جهودك مثل ماتسرَج الخيل= لجلي ولجل اللي سواتي تعارك
لك سيرةٍ في دلة المرجله هيل= طاريك في فنجال الامجاد دارك
لاصك بصدور المجالس مشاكيل= نجر المفاخر صاع طاريك طارك
وانا واللي مثلي على سكة الريل= نرجي عسى ياقف علينا قطارك
يفداك من يملك ملايين وبخيل= لو هو بصفقات الخوارج يشارك
مكبله عرقٍ من البخل تكبيل=هبيت ياكارٍ مهو مثل كارك
ياهامة العزه وباس الرجاجيل= كلٍ طفت ناره وشبيت نارك
[/poem]
[/frame]