عذبٍ قراح لكافة الشعب بلسم

[عبدالله المرشدي]

قصيده وطنيه جديده امل ان تنال اعجابكم

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كريم ياغيثٍ على المملكـه عـم=بيدين ابو متعب تكاشف بروقـه
سحايبه من شوفها تجلـي الهـم=تسقي مرابع موطنه من حقوقـه
عاش المليك اللي بالاحسان ملهم=مشاعره تجـاه شعبـه صدوقـه
اخـاف امجـد سيرتـه واتلعثـم=مجده بقول وفعل صعبٍ لحوقـه
قبل امس زاد الدخل بالكيف والكم=زاد الرواتـب واسعدتنـا فروقـه
واليوم بالبنزيـن خفـظ ونظـم=اصبح كما المجان كلـن يطوقـه
والخير جاي ان قالها الله وتمـم=يصبح كثير المال محـدٍ يحوقـه
الشعـب كلـه بالرفـاه يتنـعـم=في ظل حكم اهل اليدين الرفوقـه
صقر العرب في كلمته للوطن تـم=خلى المواطن والوطن وسط موقه
حب المواطن فيه يجري مع الـدم=مع حب دينه والوطن في عروقه
عذبٍ قراح لكافة الشعـب بلسـم=هداج ينضح والكرم في طروقـه
احلى مـن السكـر وبالمرعلقـم=للغـادر المكـار سـم يـذوقـه
عرش الزعامه تحت هامه تكـرم=اطلق زعيـم بلامنـازع يفوقـه
مقـدام ضرغـامٍ سديـدٍ محكـم=شعاع شمسٍ نستنيـر بشروقـه
لكيد العدا في مسلك العدل ماهتـم=تثبت خطاه وركب مجده يسوقـه
على طريق العز والمجـد يقـدم=لاقـام ماقدمـه مقـامٍ يعـوقـه
سنايده في حزة الضيـق لاقـدم=اخوان نوره كاسبيـن السبوقـه
والشعب بامره لاومر قال له سـم=حبه لجل طاعة مليكـه يشوقـه
فيه الوفا صافي مثل صافي الجم=يكنه الرجـال باقصـى خفوقـه
ورثٍ مع الاجيال بالخـال والعـم=غرسٍ من الاجداد طابت عذوقـه
من عقب ابوتركي لشمل العرب لم=صـف التلاحـم ماتبيـن فتوقـه
قدر الوطن واهله كما عالي الشم=لوقلت مهما قلت ماوفي حقوقـه [/poem]

عبدالله مرزوق المرشدي