خبرة نجيبٍ يصقلنّ بنودها فكر اللبيب

[وجودك يكفي]

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

توّي دريت ان الوقايه خير من طب الطبيب=وان التجارب يستفيد اللي يحفظ دروسها
لوكان من مضمونها راس الفتى بدري يشيب=كنز الحكيم اللي يفصل للرجال لبوسها
خبرة نجيبٍ يصقلنّ بنودها فكر اللبيب=يعرف خيار الناس بالحكمه وسوس ضروسها
ماينخدع بالمنطق الجذاب والشكل العجيب=يضحك بسنّه والمظاهر يتقي مدسوسها
اضرب مثل يفرق بسومه طالب الراي المصيب=في سوق ماتنفع به التجار كثر فلوسها
سوقٍ ليارد البرا بالسيف والرمح العطيب=حار المعاضي بالدواء والريح هبت كوسها
ولاحت شبوح الخوف بعيون الهبود المستريب=والارض شربت من لهايبها نضيح رسوسها
هاك النهار يشاف قدر السيف ضداد الحريب=اللي يقص يدين عدوانه ويقطع روسها
والدار يطلع فرق حاميها الاصيل من الربيب=والخيل اصايلها يجيبه فرق عن جاموسها
والا مواقيت الرخا يبدي بها النجم ويغيب=الرحله اللي بالمواقف ينجلي كابوسها
دنيا كفا الله شرها كلٍ لسيدها حبيب=لوكان له شتفا تقد كبودهم في موسها
الكل منهم يلتمس له عذر الأقصى والقريب=يصبر على عوجه وكتفه ينحدر ويبوسها
مايدري ان الهون ماللعز في ثوبه نصيب=وان المعالي للرجال اللي تعز نفوسها
لو عاش واحدهم حياته كلها في قوت ذيب=أخير من جنّة نعيم استعبدوه نجوسها
هذا الكلام اللي لو انه مر وإدراكه صعيب=من منطلق صدق وحقيقة روح بيض حسوسها
لكنّ يلبس تاجها حيٍّ على الدنيا غريب=له شوفةٍ ماهي قريّب يتعبون عسوسها
ترى شعور الزيف والتطفيف مصدر كل عيب=الصفحه اللي من وباها يحترق قاموسها
[/poem]





الشاعر/ حماد بن مريزيق الحربي