ياجعل برق ٍ تعاقب صوب غربيه██▓▒░░::

[الداهوم]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياجعل برق تعاقب صوب غربيـه=جعله على ديرة المجمول يسقيهـا
على جبـال الهـدا ويهـل عصريـه=دار ربت صاحبي سقيـت روابيهـا
قلبي على حبهـم مـا يخلـف النيـه=حب بشـع بالعـروق وساكـن فيهـا
ياريف عمري مثـل هتـان وسميـه=نبت النصي والنفل والشيح عاليها
راعي قرون على الامتان مطويه=طيالرشا يوم تطوىفي سوانيها
وراعي نهود تشابه بيـض قمريـه=زين التهايـا وزيـن الملـح كاسيهـا
وراعي خديـد يشـادي بـرق ليليـه=براق مـزن تراهـش فـي مناشيهـا
والعين عين اكحل بالزين حوريـه=كن الولـي ماخلـق غيـره مسويهـا
عـزي لقلـب ثعـت فـيـه السنافـيـه=ثعيت فريـق هجدهـا قـوم غازيهـا
بـون ونـة قـريـص صابـتـه حـيـه=ولا نفـوس بكـت مـن فقـد غاليهـا
علـى وليـف ملـك قلبـي ولا زيـه=يالله انــا طالـبـك يــارب تحميـهـا
عيني عقب غيبته صارت شقاويه=تسامـر الليـل نـوم النـاس جافيهـا
يازين لاتجـزي الحسنـات بالسيـه=ماهوب حق عـى عيني تعنيها
حظـي عقـد ليـة مـن دونـهـا لـيـه=الله ولا عـقـدة تصـعـب منـاويـهـا[/poem]
مناحي الحصان