وأنـا غاسـلٍ يمنـاي منهـم بصابونـه

[لاطامت العايل]

هذي قصيد قديمه في واحد من الجماعه
يمكن ما تصلح للنشر
لاكن حبيت انزلها في موقعي عتيبه

[poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

قضيت السنين التسع بين المـدن رحـال=ولا فيه بابٍ غير جا الياس مـن دونـه
أقضّي سهر ليلـي توجـد معـه ولـوال=توجـاد أميـرٍ بعـد عــزه يذلـونـه
يقولون مـال الرجـل قـدرٍ بليـا مـال=وأنا أكـره كـلامٍ مثـل هـذا يقولونـه
أنا أقول مال الرجل قـدرٍ بـدون أفعـال=وإن جات طيب ومال ترا النعم مضمونـه
وأنا ما عرفت أمدح ضعيـفٍ ولا محتـال=ولا أحـب نـاسٍ مثـل ذولـي يحبونـه
وأنا ماعرفت أمدح منافق ورجل أعمـال=لو يمدحه غيري علـى شـان مليونـه
أنا أعرف خفايا الرجل حتيش لو ما قـال=أعرفه بدون يقول مـن نظـرة عيونـه
وأنا أعرف هل الأفعال وأعرف هل الأقوال=وهبه مـن الله وسـط قلبـي ومكنونـه
أبا أزبن ولد عمي عضيدي عريب الخـال=عسى من كل مليونين مليـون يفدونـه
عليه العرب تثني وأبا أثني بـدون جـدال=ولو ما كان فالموضوع ما أدلا بماعونـه
أباه مايذخـر علينـا علـى أيـة حـال=ولا أبغـا لـه الإحـراج بابـه يطقونـه
سنيـنٍ قضيناهـا فـراغٍ بهـا قـتـال=وياسٍ ضلـوع الآدمـي منـه مطحونـه
زمانٍ لقالو سم ما سمتـه بربـع ريـال=يكفي عشايـه فيـه لـو كـان زيتونـه
زمانٍ به الرياجيل تخشى تجيـب عيـال=لـو مـا تغيـر نهـج الأيـام قانونـه
زمنـا زمنـا راح فـي دبـرة الأنــذال=وأنـا غاسـلٍ يمنـاي منهـم بصابونـه [/poem]