لجل دينه والوطن كنه خفير

[عبدالله المرشدي]

السلام عليكم ورحمة الله وبركاته
امل ان تنال رضاكم واستحسانكم

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

العمل يمشي بتنظيم الادراه =والاداره شغلها عند المدير
كان همه بس لعيون الوزاره =دار كرسيّه على ظلمٍ كبير
وكان خاف الله وكمل في مساره=نال تقدير المراجع والوزير
الموظف واجبه يمسك خفاره=لجل دينه والوطن كنه خفير
للمراجع يعتبر رهن الاشاره =مايقصر مع كبير ولا صغير
من يجيله مايطول بالزياره=ياخذ المطلوب في وقتٍ قصير
مايطول في وقوفه وانتظاره=لو جلس مامداه يشرب له عصير
شاشه ايمنه وشاشه عن يساره=لانظرها شاف قدمه وش يصير
في كتابة عدل ماراحت خساره=خدمةٍ تليق بالجمع الغفير
ذا دليل عن التطور والحضاره=وذا دليل الامن والخير الوفير
تحت حكم اللي حمى شعبه وداره=مانقصنا لاقليل ولا كثير
المليك اللي تفرد بالصداره=بين حكام الدول ماله نظير
بالشجاعه والسياسه والمهاره=قادنا للمجد واسرع بالمسير
وفر الخدمة لنا في كل حاره=ريّح اركاب الكبير مع الصغير
هم شعبه في مساه وفي نهاره=همه الاول ولا هو بالاخير
وقر المرأة وصارت من وقاره=داخل المجلس تشير وتستشير
لاغرابة دينا دين استشاره=نتبع السنه وبالله نستخير
[/poem]