هو ضمير النّاس حي ؟

[سلمان المالكي]

هو ضمير النّاس حي ؟

{ الضّماير } ..! جت وتسأل : هـو ضمير الـنّـاس حــي ؟
وش حصل فيها { الضّماير } ..! يوم عاشت شبه حيّـة ؟

شــافــت عيوني { دوايــر } ! آخــــــر الـرحلـة وضـــي !
{ المسافر تــاه } ..! في ظلمة حـروفـه .. تــاه ضـيّــه !

لـيـه {في ظــل الـمسافـر }{ كل رحـلـة } فــوق طـــي ؟
ليه ما تبقى .. { دفــاتــر ذكــريــاتــه } .. تحت طــيّــه ؟

زي , مــا نــور الحقايق .. في { التّماثل } مـثـل : زي !
من يــذوق { الشّهد صافي } .. مـا يماثل طعم , زيّــه !

ما ثـنيـت { الـوقـت } حـتّـى .. وانثنى لي دون : لـي !
إثـــر { غصن الـوقـت } لـيّـن ! ينثنى لي دون : لــيّــه !

فَيّ غـامـض ما كـشـفـتــه ! فَـيّ واضـــح مـثـل : فَـيّ !
المهم إنّــي عــرفــت .. إنّ الـسّـبـب : شمسه وفـيّـه !

الـمـعـانـي من عـطـشـهـا .. للــســفــر تـحـتـاج : ري !
لو ألــبّــســهــا حنين الــوقــت ! مــا تــحــتــاج : ريّـــه !

يا سـراب الـعشـق ! ضامي .. ما بقى لي غير : غي !
إخـتـفـت فـينـي مــديــنــة ! لــيــه يـا غــيّــي وغــيّــه ؟

يا بــعــد { روحي وضيّي } .. يا بــعــد {عيني وخي } !
هــو أحــــد يـقــدر يـفـارق , { دمـعـة أحـزانـه وخـيّـه} ؟

ما قـويــت { الشّاهد الله } .. شوفــي اللي حَـل , بـي !
فـهـمينـي يا ذكــيّــه ! وش حــصــل وش حَــل , بــيّــه ؟

مـا عــلا حــرفــي مــلامــه ! لا تــقــولــي : مـا عـلـيّ !
إن بقى لـي مِن حـروفـك .. حبر .. قولي : مـا عـلـيّـه !

جـيـت أوادع فـي المرايا ! شـفــت ظِـلّــي , مـنـتـهـي !
مــا نـهـيـت الــروح عـنـهـا ..! لا .. ولاهــي , مـنتهـيّـه !

مِـن يــفـهّــم لـي , ذكائـي ؟! مِن يـفهّـم لــي , ذكــي ؟
يا ذكائـــي .. خـابــرك مـجـنـون ! وافــكــارك , ذكــيّــه !

ما يـعكّــر لــي مــزاجــي , فـي الذّكاء ! إلا الــغـبـــي !
لكن أحــيــان(ن) , ذكائــي , لــه مـزاجـات(ن) غبيّـه !

الــضّمــايــر جـت , وتسأل : هـو ضـميـر النّاس حــي ؟
وش حصل فـيـهـا الضّماير .. يوم عاشت شـبـه حـيّـة ؟

..........................

تحيّة الورد الطائفي
شاعر الحرب