بنتُ الورود

[سلمان المالكي]

بنتُ الورود !

الــــوردة اللي صـــادرت مِنّـي الـــنّـــور

هـي نفسها بـنـت الــورود أشـعلتنـي

يـا ليتني مـا جـيـت في لحظة الــزُّور

مـا كـان هـذي حـالـتـي واذبـحــتـنـي

عــزّاه يا قـلـبـي مِـن الـبُعـد مـكسـور

مـا كنت قـاوي يـوم هـي مشغلتنـي !

رُوحـــي تسجّ فـي الميادين وتـــدور

والـنّـفـس فــيـهــا دايـــــمٍ فاضحتنـي

تـعـمَّـقـت فــي داخـلـي عـدِّة إشـهـور

وش لون لـو هـي فـي الزَّمن صاحبتني

حـلَّـت عـلـى وقـتـي تباشير وســـرور

والـيـوم صـارت تـدّعـي كـــارهـتـنــي

ماني بقايل في الهوى .. ليه مغرور ؟

كاس الـمحبّـة في الهوى نـاصـفتنـي !

لكنَّ تـبـقـى كلمةٍ تُـــوجـــع الــــزَّور !

كـلـمـة تـشـيِّـب مـفـرقـي قـاتـلـتـنـي !

والـعـذر فـيهـا ما يغيّر من الــشَّــور !

حتّى ولـو هـي في الزّمن عـاذرتـني !

والمشكلة مـانـي على الحلف مـجـبـور

طـلاق من راسي عـسـى سـامـعـتـنـي

يـا حـبِّـك إنّـه داخـل الـقـلـب مــعـمــور

مـا غـيـرك أحــدٍ شـاركـه شـاركـتـنــي

فـرشـت لِك روحي وطـن فُـل وزهــور

يــا مَمَلكة رُوحــي ويــا ســاحـرتـنــي

مـشـاعـري دايـم تـراهـا عـلـى الـفـور

تـبـقـى حـزيـنـه داخـلـي صــادمـتـنــي

إن كنت نـاوي الهجر يا سيّد الـحـور !

إرحـم تـرى روح الـهجـر كـاويـتـنـي !

أقضي ليالي الـهـجـر بـالهـم مـضـرور

وسـهـام هـجـرك للأسـف مـوجـعـتـنـي

عَـزَّاه يا قـلـبـك على الـصّـد مـسـحـور

يــا لـيـتـهـا يــوم قـــرّرت وادعــتـنــي

يـا شـوق لو دونـك مـحيطـات وبـحـور

اسـتـسـهـل الـصّـعـبـات يـا جـارحـتنـي

يـا شـوق حـاول ترحم القلب مـشـكـور

إرمــوش عـيـنـك قـاتـلـة لــوّعــتـنــي

يـا شــوق لـو شـرع المحبين مـحـذور

كانـت ريــاح الـشّـوق مــا لاعـبـتـنــي

يـلعـن قيود الهجر في داخـل الـسّـور !

وخـتـامـهــا يــا فـاتـنـة ظــالـمـتـنــي !

الـــوردة اللي صادرت مـنّـي الــنُّــور !

هـي نفسها بـنـت الـورود أشـعـلتنـي !

........................

تحيّة الورد الطائفي
شاعر السّلام