من عادتي ما أحط للفكـر مـزلاج

[فواز الشيباني]

[poem=font="Simplified Arabic,4,white,bold,normal" bkcolor="darkred" bkimage="" border="none,4,gray" type=2 line=0 align=center use=ex num="0,black"]
من عادتي ما أحط للفكـر مـزلاج
=والنفس أروضهـا أجـود رسنهـا
لا جات من فكري مفاريـد وازواج
=قام الورق من لهفتـه يحتضنهـا
البارحه حطيت لي خمسه أبـراج
=فأرض الخيال وشفت الأقطار منها
شفت النتيجه تشتكي هم الإنتـاج
=وشفت السنابل والرحى اللى طحنها
شفت الطريق المعتدل صار منعاج
=وأحداث بهذلها الزمـان ودفنهـا
وجروح ناس مالها طـب وعـلاج
=ونفوس مرضى والفرح ما سكنهـا
والكذبه اللى صورت فلـم دبـلاج
=جت في مساحتها وجت في زمنهـا
تفننـوا فيهـا بتأليـف وإخـراج
=وبثوا دعاية عشرة أعـوام عنهـا
وأنا على مسراى والنـور وهـاج
=آمر على مايطلـع الفكـر وأنهـا
دنياً بحر تسطفـق فيـه الأمـواج
=ولافيه مخلـوق حياتـه ضمنهـا
الناس مهما كان للنـاس تحتـاج
=في مالها في جاهها فـي محنهـا
ناس تصير بساعه الضيق مخراج
=ومن حدته سـود الليالـي زبنهـا
وناس مراجلها سواليف وإزعـاج
=لا فايـده فيهـا ولا خيـر منهـا
والرجل له كلمه ومبـدأ ومنهـاج
=ضريبتـه لا بـد يدفـع ثمنـهـا[/poem]
منقوله