$$ غـزال بلاني عذّب القلب باسبابه $$

[رهين السهر]

[frame="3 80"][poem=font="Simplified Arabic,6,black,bold,normal" bkcolor="transparent" bkimage="backgrounds/23.gif" border="none,4,gray" type=1 line=1 align=center use=ex num="0,black"]
ألا يالمعـذّب ليتـك اليـوم ماناديـت=جرحت الضمير اللي من اخطاه ماصابه
وانا من قديم الوقت من هالغزل ملّيـت=عذابٍ على العشّـاق والقلـب مركابـه
تقهويت في دار الهوى عقب ماشديـت=دارٍ حلفت أجفـاه لـو شرّع أبوابـه
جذبني جزيل الشعر والبيت خلف البيت=يوصّـف غـزالٍ بالفـلا ماتهنـى بـه
حداني على مثله وانا من زمان اقفيـت=وعوّدت اجر الصوت فالبـر وهضابـه
ولاكنت افكّر بـه ولايـوم بـه غنّيـت=شحنت الضمير احاربه لو تغنّـى بـه
زرعت الخنادق باللغم تلتهب واخفيـت=عن الناس مشروعي واحسّب له حسابه
يثور اللغم لامن رجع ساعـة التوقيـت=ويصبح ضحية زينه اللـي تغلّـى بـه
طعني برمحه بين الاضلاع وانضرّيـت=ولاانسى بعد مـادقّ قلبـي بمنسابـه
جرحني بسيفه بين الاكتاف وانشلّيـت=وذابت زوايا الكبد مـن حـدّة أنيابـه
ولاجرت في حكمـه ولادرت أو لفّيـت=مسيري على وضح النقا سكّـة ركابـه
كويت الهوى بالنار من كثر ماقاسيـت=وصكّيت باب العشق لاعاد مـن جابـه
يطوف البحور السبع فكري ولامرّيـت=على دار عاشق غيـر وقّعـت بكتابـه
شربت العنا من صافي العد واحتدّيـت=ويممّت عالي الرجم وازريت انا ارقى به
اصالي لهيب النار فالقيض واحترّيـت=احس الغضا في داخل الجوف يصلى به
وهذي فعوله بعض من غيـر ماعدّيـت=غزالٍ بلانـي عـذّب القلـب باسبابـه
اعيش الليالي ساهر الليل لـو ناجيـت=نجوم السماء جتني على الارض وترابه[/poem][/frame]