][ يـآ آبو سعد صآرت على آخوك غآرآت ..! ][

[.*إنـْسَـآن عَـآدِي*.]

السلامُ عليكُم ورحمة الله وبركاته ،

قصيدة خادم الحرمين الشريفين الملك فهد بن عبدالعزيز رحمه الله عندما كان مريضاً في لندن في شهر شوال من عام 1385هجري حيث بعثها إلى الامير فهد بن سعد يشكو فيها قساوة المرض حيث قال :

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يابو سعد صارت على اخوك غارات=شهرين أقاسي من شديد الغرابيل
سو المرض يحمل على اخوك حملات=مافي يدي حيله ولا في يدي حيل
والله فزع من فوق سبع السماوات=وأنا احمد الله يوم صارت تساهيل
ما ينفع الخايف والأيام عجلات=الخوف ما ينفع ولا القول والقيل
حنا هل العوجا ولا به مروات=شرب المصايب مثل شرب الفناجيل
لاشك أنا مشغول في كل الأوقات=على الذي حنا بظله رجاجيل
ماني على نفسي كثير الحسافات=لاسلم رأسه روسنا رفاع بالحيل
حامي حمانا بالليالي المخيفات=لو صار بالعالم كثير الزلايل
فخر العروبة بالعدل والمساواة=هذاك هو فيصل ولا فيه تشكيل
يشهد له اللي شاهدوا منه ليات=ويشهد له التاريخ جيل بعد جيل

[/poem]

فـرد عليه الأميرّ فهد بن سعد رحمه الله وقال :

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

يا مرحبا بكتاب زبن المخلات=أهلا هلا به عد وبل الهماليل

حمدت من زال الكدر بالمسرات=فكاك من صكت عليه المحابيل
فزع لك اللي عالم بالخفيات=مبري جروح أيوب غيث المراميل
لعل ما يزعج على فقدك أصوات=ولعلها لك يابو فيصل تماهيل
الله يجيرك من صواديف الآفات=عساك تسلم ياعشير المشاكيل
ماانت برخيص يا ربيع القرابات=لو هي بالأيدي كان دونك حلا حيل
ترا لنا بك يا فتى الجود هقوات=في وقتنا الحاضر وباللي مقابيل
يفداك ربع قصروا بالمهمات=اللي على القالات ما تنطح الشيل
بعض العرب حي ومن عرض الأموات=ما يرتجي نفعه بحل المشاكيل
وفيصل ذرانا بالسنين المخيفات=هو درعنا الضافي إلى ضدنا الميل
اللي نقل عنا حمول ثقيلات=راس الحصيل إن كملن الحصيل

[/poem]

للإستمآع /

http://www.youtube.com/watch?v=1sjd7...el_video_title

آدآء / نآدر بن مسفر

[ إذآ آعجبك لآ تنسى آلتقييم ]

فيّ امآن الله ،