روعة المنظر

[حامل السيف]

(روعة المنظر)




ابرسل لك على متن السحاب المتجه لك حـب
تخيل روعة المنظر ســحابة حـب مرسـوله

ابجمعــها من الغيمه واصب الها المعاني صب
واودعها على جمر الغـضاء ودلال معـمـوله

امانه لادعـيـتيها تأني لاتـقــولي هـب
تـروحبهـا الرياح المرسله لـرياح مجهـوله

مدام انك عطيتيني حقيـقه حب ماهو نصب
انا بعطيك مـن دمي وكثـر الشك وشهوله

علينا وش علينا مرتـكبنا فـالمحبه ذنـب
احاسيس ومشاعر في قلوب الناس مقفـوله

كلام الناس واجد ياحياتي والمفارق صـعب
صعيب الرأي مايبلش وفيه الناس مشـغوله

طبيب الحب لو حاول يدور للمحبه طـب
يباله تجـربه والعينه من خـارج الـدولـه

احدحبه مثل حب الكلام وكل هرجه كذب
يحاولـه على شين عجز ياصله ويـطـوله

وانا حبي مثل حب الكرامه والكلام العذب
يعيش بلذت الفرحه ولا حركه من حولـه




(حـامــل السيف)


الشــاعر/ فـواز بن جـازي العـتـيـبي