حيّ الله اللي يغيـب ويسـرع الـرده

[الأدميرال]

حيّ الله اللي يغيـب ويسـرع الـرده
اللـي يجينـي اليـا منـه تباطانـي

قلبي يـوده و حالـي كنهـا القـده
ودي بشوفه ودونه حـوم عقبانـي

يا صاحبي جارك الله وش هاالصـده
مهـوب حـق تولعنـي و تنسانـي

ان كان عندك حكى بي خامل السـده
فانت المصدق وانا حقي وما جانـي

اهرج على ما تورى والبخـت بـده
لا تستحـي يابعـد حيـي وحيانـي

ترى حلاة الهـوى لا طالـت المـده
مهوب يوم صديـق ويـوم قومانـي

وان كان ما انت مصافيني على الشده
وقت الرخى واجـد ربعـي وخلانـي