يامل قلب ٍ من هوا الزين منصـاب

[((الدلبحي))]

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="none,4,gray" type=2 line=0 align=center use=ex num="0,black"]
يامل قلب ٍ من هوا الزين منصـاب=
أفكر طبيب المعرفة فـي علاجـه
من حب نبنوب ٍ عليه الحـلا ذاب=
وزود ٍ عليه مبالغ ٍ فـي غناجـه
لا مرني كني سـروق ٍ ومرتـاب=
مغير ألاخـس مشيتـه وادراجـه
وهو يناظر كـن فالنظـرة عتـاب=
مدري يقول اركد عساك الرجاجـه
لاناظرت ثم شبكت بيـن الاهـداب=
والله مغبط اللي مخـاوي خواجـه
أمر قـدم البيـت وأناظـر البـاب=
لو أن مالي فـي حواريـه حاجـه
وبعد ثلاث سنين من عرف الاحباب=
جتني علوم انـه قريبـن زواجـه
غابت وانا مع غيبها خاطري غاب=
وانا الذي كد قيل طلـق ٍ حجاجـه
معاد أميز بيـن صـادق وكـذاب=
والماء ما أميز جيدة مـن هماجـه
من لامني عساه يبلـى بالارهـاب=
يموت توة ماهتنـى فـي خراجـه
قمت أتمشى كـل يـوم ٍ بمرقـاب=
نحشت يم اللـي وسـاع فجاجـه
كله ابي فرقى طواريق الاصحـاب=
حب ٍ قطـوع ٍ قطـع الله رواجـه
الحب مثل الدرس تقـراه بكتـاب=
والجيد اللـي جيـد ٍ فـي نتاجـه
وانا قريت الحب والحـب غـلاب=
حب ٍ يمشي صاحبه فـي مزاجـه
ياناس قولوله ترا صاحبـك تـاب=
من عقب ماهو ضايعٍٍٍ ٍ فالعجاجـه
واصبح طليق ٍ حر من قيد الاحزاب=
والله كفيـل بضيقتـه وانفراجـه
والحمد لله من مرض غيبتك طـاب=
وكب الطبيب ووصفته مع علاجـه
منقول[/poem]