قصيدة في الصميم :كان المراجل لبسـة شمـاغ وعقـال=قـل للعـذارى يلبسـنّ العمـايـم

[غزال الرافدين]

لشاعرهـ /نوف بنت شطيط العتيبي



كان المراجل لبسـة شمـاغ وعقـال=قـل للعـذارى يلبسـنّ العمـايـم
ما عاد يفرق زول حرمـه ورجـال=دام الفعايـل تشبـه البعـض دايـم
المرجله مـا هيـب كلمـه وتنقـال=وتروح ما راحـت هبـوب النسايـم
وإلا خشونة صوت أو رفع الأثقـال=أو رزة صـدور وفـعـل الـزلايـم
ولا هي بعد مفتـاح موتـر وجـوال=وإلا ردى لسانـن حديثـه شتـايـم
المرجله شيمه عن القيـل والقـال=رفيع نفس (ن) حـر بالجـو حايـم
المرجله عقـلٍ وزن وزنـه جبـال=ودون العقـل وش فرقنـا والبهايـم
يا مسندي لو مايل الوقت بـي مـال=يا ولد أبويـه يـا عظيـم العزايـم
يا معرب الجدين من العـم والخـال=يا نخوة المفـزوع وقـت الهزايـم
المرجله يا خوي هي طولـة البـال=هي العزم هـي الصبـر فالظلايـم
فيهـا الكـرم عـزه دلـه وفنجـال=فيها الكرامه عن ردى الطبع شايـم
والدين لامنـه خـذا القلـب منـزال=مشى طريق الحـق وابليـس نايـم
ومن لا عرف ربه في طيب الحـال=لابد وقـت الضيـق بالهـم هايـم
حتى صلاتك مع جماعـات ورجـال=في خيرها يا خـوي نعـم الغنايـم
ولامن نصف ليلك قم صفـي البـال=يا عظم أجرك بيـن ساجـد وقايـم
ولا من رفع ربي له كـل الأعمـال=حسن الذكر لا قالـو فـلان صايـم
وخلك شريف القصد يا طيـب الفـال=سوء المقاصـد فالبيـوت الهدايـم
واحذر تبيع النفس فـي دب الأنـذال=وتتبع خـوي إبليـس راع النمايـم
النفس خيـل لـك إذا كنـت خيّـال=ومن لا قوى نفسه قوتـه الهزايـم
ولا صرت ما تدري لو يش أنت رجال=والله خسـارة فيـك ذبـح التمايـم