معناااااااااااااااة

[درع عتيبة]

تعبت اشكي تعبـت ابكي تعبت احكي مأسي الروح
قتـلني الوقــت بضــروفه ذبحني وجفــف انهـــاري

اخبـي علـتي واسـكــــت وانـا في داخلي مذبـــوح
اجامل وارسـم الضحــكه وانـــا قلبـي علــى نــاري

احـاول والله يعـــــــلم بـي اداري دمعـتـي لاتــبـوح
اداري الجرح واتجاهل عن اللــــي ينشــد اخبـــاري

اقـول:بخــير لكني جـريح وفـــي حشــاي جـــروح
صـداها لـو دفنـــته يــوم يبــين ســنين بأنظــــاري

صرخت بحسرتي...يكفي صرخت بصوتي المبــحوح
الا ياوقـت وش ذنبــي عشـــان الفــيك بأعــــذاري

تبعثر حلمي قدامي وغديـــــت بدنيــتي منـــــزوح
وقـفــت ..ولاقـدرت اجمـــــــع ..مشـــتت افكـــاري

امنـي النفس واخدعـها واقول ان كربتي بتـــــروح
وهـي والله مـولـوده قـدر فـي ارحــم اقــــــداري

قتـيل والبــقا براسـي في دنــيا مابـهـــا مصـــلوح
قتــيل والقــهر قاتـل من اللي ياخــذ بثـــــــــاري ؟

انا ببـــقى ضحــية وقــت اعاني والعنـــا مجـــروح
دعيت اللي خلــق يرحــم رجيــته ربــي البــــــــاري

ابي اسعد انا بلحظه قبل نزعه توافــي الـــــــــروح
قبــل مارحــل عن الدنيــا واروح لاخـــر ديـــــــاري

انا بحمل صديد الجرح في باقي وقتي المســــموح
واذا وافتني الــــقدره تــرى هالــبيت تذكــــــاري ..

رثاني دمعي الطاهر في صمـته مارضـى بالــــــنوح
ورثتني قـــسوة الدنيــــــا ورثتني حتى اشعـــاري

وجـزت اللي ذبـح قلبــي وعشته بالخـفا مشــــــروح
لجل ماضـــعف بعـين اللي نشدني كيفـها اخبــــاري