يالله دخيلك من شرور الضليمه

[أبحرت في عيونك]

السلام عليكم ورحمة الله وبركاته...
هذي القصيده كتبتها ردا على رساله جاتني من احد الاشخاص بدون ذكر اسماء والمشكله الله ماجاه مني شي لاكن باين إن تفكيره مثله ملتوي وعلى قولة المثل كلٍ يراء الناس بعين طبعه المهم مالكم بالطويله





جتـنـي رسـالـه خاطـيّـه كلـهـا زور....يالله دخيلك مـن شرور الضليمه

جتني رساله بعد ما شـعـشع النور....ما سطرتها إلا النـفـوس السقيمه

فحِلت هل الطـيب مـن دون دستور....يحـمي حقـوق الرجال الحلـيـمـه

في محتواها السـب والكـذب منـشـور....من ناقصٍ قلبه يحب الشـتـيمه

يـفّـخر بـهـا يافـريّـس قـدام جـمـهـور....كـن المـسـبه في زمـنّا غـنيمه

ويـدّعـي بالنـصـح والنـصـح مـشـكـور....راعيه عنـدأهل العـقول الفـهيمه

ولكّن ليـا جامن طرف خبل مغرور....تزرى عليه اهل العقول الحكيمه

دامـه خـطا والعـيـب راعـيـه مـاجور....العـيـب لابـد انـكـسـر له صمـيمه

وعلى الباطل الحق يافريّس منصـور....ويـذّوق الجـانـي مـرار الـهـزيـمـه

سـر ياقلم وانـقـض كلـيّـمات زعرور....وانقض بيوت الشاعر اللي عقيمه

وأرسـل سـهومك يالـقـلم تكسر السور....وتهشم ضلوعه فوق ماهي هشيمه

أنا ثـبـيـتـي من وسـط بيـت معـمور....حـب الـوفـا والـجـود فـقـلـبـي مقيمه

واضح في ممشاي لا الف ولا ادور....ماأخطي ولأارضى بالخطى والضليمه

ولا ني بمـثلـك لاش فـالـنـاس مطيوّر....وعـاز نـفـسـي عـن دروب الذمـيـمه

مـرفـوع مقـامي عـن مـقـامك يابربـور....ولا تـحـسـبـن الـهـرج مرفـعك قـيـمه

وتــرا الـسـهـر يـاجـاهـلٍِِ سـلـم عـبـور....لـقـولـت فـمـان الـلـه والـنـيـه سـلـيـمـه

يـالـلـه ياجــامــع عــبــادك فـالانــشــور....تـكـفـيـنـي مـن شـر الـعـبـاد الـلـئـيـمه


ويعلم الله مكان ودي إن الأمور توصل كذا لاكن مشكله بعض العرب الله يهديهم ولاكنت أفكر أو أنوي أنزل أي قصيده هنيه لأني مبتدي فالشعر وأحب أحتفض باللي أكتبه لنفسي

المهم أعذرونا على القصور لأن إن شاء الله راح تكون أخر مشاركه لي بينكم وهذه اللي ماكنا باه لاكن تهب الرياح بما لا تشتهي السفن

وإسترو ماوجهتوووو