من قصائد :: الشاعره كبرياء العتيبي

[عبدالحليم]

كفاني منك مالج بخفوقي ورتكى بقصاه
وش اللي في جيوبك مابدالي يااول احبابي
تفضل حت ماباقي من غصون الغلا واذراه
معاد يهمني بالكون غير الستر بثيابي
تفضل واشعل النار بخفوقي واشعله واصلا ه
وتدفى فوق جاله وان قضيت احثابه اترابي
تفضل دك مرحان الضلوع وها لقعود اشعاه
خلا ص من الحسايف لو تبيد عوج الا رقابي
خلاص من القطين اللي نشف عده وشح ابماه
خلا ص من المحل ودهوره ابشد بركابي
تفضل روح مرواح الصبي مقيط هو ورشاه
ماوالله ترتعش لا قفيت عني خرس الا هدابي
وانا برحل على كف الزمن وامشي على ممشاه
ودورلي مكان لوكرهته بس يرضابي
ولاكن لحضه اعطيك النهايه واعتبرها وصاه
وانا اصغر منك بس العقل ماينقاس بحسابي
ترى كل القصيد اللي كتبت وقلت فيك اقراه
يمين الله ماخطيته بحضرتك فكتابي
اغني به على ماقالو يغني على ليلا ه
صغيرة سن واغواها الدلال ودم الا عرابي
تضم الجرح وتموت بكرامه ما تقول الا ه
لو ان اكبر مصايبها رحيلك ياول احبابي