معشوقتي

[عادل العصيمي]

الله يمسيكم بالخير

[rplayer]http://www.snnam.com/upload/uploads/files/snnam-3ea132c0a6.mp3[/rplayer]

[poem=font="Simplified Arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]
كان الأمل كبير وعيون الليالي فاتنات = ما كنت أبا امشي خطوتي لو لاه سحر عيونها
حظي حصان ولن ركض يدحم جنوب العاديات = اما وصل قدامها والا وصل من دونها
كلٍ وحظه والحظوظ أحيان تورد للممات = وأنا أحمد الله خصّها فيني وأنا مفتونها
أحبها لن سدّلت تزها بها كل الصفات = أعيش لحظتها من أولها وأنا مرهونها
عذرا سنافية وتستر نفسها تحت العبات = والعالم الله عن خفاياها وعن مكنونها
أنا الوحيد اللي يترجمها على كل اللغات = ديجورها حالك وبعض الناس ما يسرونها
مشاعري تطرب على شوف العيون الناعسات = وأقوم أغازلها وأنا عيني على مضمونها
تنشي مثل منشى السحابة بعد ما كانت شتات = منا ومنا لين ترعد فالضمير مزونها
يمطر مطرها والديار المجدبة تصبح نبات = خضرا تفوح زهورها ويسرّ عيني لونها
أفتح لها قلبي وتسكن داخله ست البنات = أسمع سوالف عشقها والناس ما يوحونها
لحدٍ يلوم القلب في معشوقته لو ما يبات = معشوقتي ليلى وليلى صرت أنا مجنونها
معشوقتي فوق الورق تشرح تفاصيل الحياة = من غيض مدري فيض بإحساسي طرقت لحونها
الله يبارك فالهجوس الواردات الصادرات = والله يجنبها دروب المعصية ويصونها [/poem]
,