لله يعز النا الرجال الحلاحيل

[الصهد]

السلام عليكم ورحمة الله وبركاته
وجه احد الاخوه هذه القصيدة
اضعها بين ايدكم والرد
عسى ان تنال استحسانكم

هات القلم ياصهد وكتب تعاليــل
اكـتب تعاليـلٍ بقلـبي دفينـــه
بعض العرب عندي وعندك مهابيــل
تـاخذهـم علـوم الضعافه غبينـه
ضعيف نفس وماحصله محاصيــــــل
فـعل الـرخامه باينه في يمينـه
همه وتفكيره بكثر التحاليــــل
شـفه قريـب قاصـراتٍ يـدينــــه
يمشي علي الفتنه وقطع المواصيل
يفـرح ليا شـاف النشـاما حزينه
مايدري انه لو حصل بينهم ميــل
اقفوا على علوم الرجال الرزينه
ارجال تعرف مدخل الطيب باالحيل
تشفي غليــل اللي تضيمه سنينـه
ياالله ياللي تسقي الأرض باالسيـل
يامحييـن بـه كل يابـس بطينــه
تحفظ هل العادات واهل المداهيل
مـن كـل شـين وكـل نـفسٍ ضغينـه

هات القلم بكتب من احلا التماثيل
للصاحب اللي جعل تبطي سنينه
يامرحبا ياراعي البن والهيل
اللي تسوقه للنشاما يمينه
يالحروقتك فيه بعض التهاويل
متخالط مابين شينه وزينه
الناس فيها فرق واكثرهم خبيل
يلعب على الحبلين ونفسه لعينه
لاعاد به قوه ولاعاد به حيل
يقول انا القايد واقود السفينه
والله يعز النا الرجال الحلاحيل
حكم الوطن والأمـن هم ضابطينه