مثل حسني يا عربنا بعض حكام العروبه

[حصة العتيبية]

[poem=font="arial,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]

مثل حسني يا عربنا بعض حكام العروبه=والشعوب اليعربيه بعضها من مصر وأردا

لا تعدت خادم البيتين مكعام الصعوبه=وشعبه اللي بالدما لملوكه الغالين يفدا

وكل حاكم بالخليج مواطنينه يعتزوبه=ويبذر بذور(ن) تسره في نهار(ن) فيه حصدا

والحقيقه يستحق الانقلابه والعقوبه=كل حاكم محرم(ن) شعبه ولا يحكمه مبدا

ويستحق إنه إذا التشريع ما يعرف دروبه=ينطرد عن عرش حكمه غصب دون رضاه طردا

كيف لا ما دام ما تحصى على شعبه كذوبه=وله جبين(ن) لانتهاكه حقهم ما هوب يندا

وكل حر(ن) يطلب بحقه جنوده يلتووا به=بين قتل وسجن وإلا ينغبن ويعيش عبدا

والرغيف أصبح حصوله من صعوبه في صعوبه=والرواتب ما تكفّي وكل معدن صار يصدا

وجملة الأسعار مستعره شبوبه في شبوبه=والبطاله ساقت الشُبان للإجرام وِردا

فأسألك يا رب يا رحمن يا عالم غيوبه=للرعايا سخّر الحكام و(البركان يهدا)

في مشارق موطن الإسلام وإلا في غروبه=من عربنا والعجم في كل موضع فيه مجدا

وكل شبر(ن) مغتصب والكافرين أرخوا طنوبه=في حَديث عصورنا وإلا بعصر(ن) زاد بُعدا

حرره باللي لوجهك معلنين اليوم توبه=وفي سبيلك كل واحد قد تَحَرّى منك رشدا

في نهار(ن) قام سوق الموت بـ ارواح(ن) جلوبه=من أُسود(ن) جت تسود بعيش عز وموت سَعدا

والأكيد الذيب لا من جر لـ اخوانه قنوبه=يفهمون عواه وإن السيف سيف بكل غِمدا

[/poem]