يا بنت إنتي بنـت نـاس مشاهيـر

[فواز الشيباني]

[poem=font="Simplified Arabic,5,deeppink,bold,normal" bkcolor="black" bkimage="" border="none,4,gray" type=1 line=0 align=center use=ex num="0,black"]
يا بنت إنتي بنـت نـاس مشاهيـر
=وانا بدوي عايش مع الهوش في البر
انتـي بفلـه بالزهـر والنوافـيـر
=وانا بعريش وحوله الغاف الأخضـر
انتـي تلفيـن المدينـة بالعصـيـر
=وانـا ادور بنـت ظبيـان وازقـر
الفرق واضـح بيننـا دون تفسيـر
=مثل الشتا يا بنت يفرق عـن الحـر
ابـوك عنـده معـرضٍ للسياييـر
=شي مورد وشـي خـارج مصـدر
وعمك يعدونه من اغنى المشاهيـر
=محسوب من التجار للقـرش يذخـر
انا بدوي وانتي بشهـادة ماجستيـر
=ويحق لـي بشهـادة البـدو افخـر
ماغير اطباعي لجل خاطـر الغيـر
=يـا بنـت عذرينـي فلانـي اقـدر
احب البدو من يوم انا عادني صغير
=واراقب الجوزا مع الليـل واسهـر
واحب شوف البر والصيـد بالطيـر
=وارتاح يوم الصيد في الدار يكثر !!! [/poem]
نواف بن ناصر