أنا خبيـر عيـون وجفـون وأهـداب

[الركــن]

منقووووووووووووووووول

تقول لي مشتـاق .. وأقـول كـذاب
عزّ الله أنّ الشوق مـا طـبّ عينـك

أنا خبيـر عيـون وجفـون وأهـداب
وأقـرا كـلام رموشـك وحاجبيـنـك

قريت فيها غبت مع عرض من غـاب
وأن جيت وإلاّ رحت .. ما قلت وينك !

وأزريت أحلّل كلمـة ٍ مالهـا إعـراب
لقيتهـا مكتـوبـة ٍ فــي جبيـنـك

مثلّت دور الخلّ فـي فيلـم الأحبـاب
وأبدعت بالتمثيـل مـن قـوّ زينـك

وأصبحت قايد شمل تلعـات الآرقـاب
وصبيّـت حسّـادك علـى معجبينـك

وبانـت خفايـا لعبتـك والغـلا ذاب
هيهـات مانـي لعبـة ٍ فـي يدينـك

ما الله بحاديني على حرب الأعصـاب
أسدل ستار المعرفـه عـن ضنينـك

لا كاشـف ٍ سـرّك ولا فيـك مغتـاب
حـدّ الله المشـروع بينـي وبيـنـك

مير العلاقه فكّها .. وأقضـب البـاب
لاهنت .. ما قصّرت .. طالت سنينـك

ماجور يا قلبي بعـد خاطـري طـاب
والله علـى هـمّ المحبّـه .. يعينـك