سرَ المعاني تبيَن من خلال السطور !!

[بنت الهيــــلا]

صـباحكم / مسـائكم شعـــر

::

[poem=font="simplified arabic,5,burlywood,bold,normal" bkcolor="black" bkimage="" border="double,4,gray" type=1 line=0 align=center use=ex num="0,black""]
سبحان من يولج الصبح ابظلام الليال = يقشع ظلام الدجا ويشعَ فالكون نور
الفُلك تجري بأمره من مجال إلمجال = ابتحت تدبير حكمه ترتسي فالبحور
اعوذ به من غرور النَفس والاختيال = وامن الجبن والمذلة والمجن والفجور
مشيت دربي وبالله معلن الاتكال = من فوق بابور صبري للمسافة عبور
يطيش موج البَحَر واشراعنا ما استمال = شامخ وعالي يدور البَحْر .. أو مايدور
الموج لو حاصر البابور من كل جال = ماوَمى بمركب يقوده الخبير الصبور
مايومي الموج غير ابجيلبوتٍ مُزال = بمجرد الصوت يغرق يغتمره الهدور
مايعبر الشط ربَان البحر باعتدال = مدام قاع السفينة منكسر وامخرور
وانا قطعت البحر شامخ شموخ الجبال = واعترضني خلال الدرب جملة شرور
اكتسبت التجارب من سفر وارتحال = واستفدت التعامل مع فطينٍ وثور
كلٍ يلاحظ ليا منَه قراله مقال = سرَ المعاني/ تبيَن من خلال السطور!!
ترا الحقيقة حقيقة ماعليها جدال = تبقى النوايف نوايف .. والجحور الجحور
احدٍ يروم العُلا واحدٍ عليها استطال = وحدٍ مكث فوقها وحدٍ ترجَل حدور
ماكل مايشتهى المخلوق يالعبد نال = ولا كل ماناله ايدوم ابطوال العصور
لا تبني أدوار والسيَسان فيها اختلال = تنَهد من فوق راسك دور/ يتلوه/ دور
اتعب على الساس والبنيان صعب الزوال = كالنَقش فوق الصخر.. ياصعب مسح الصخور
وإليا درست العلوم وشفت صعب السؤال !؟!= مع حكمْتك يلزمك تاخذ من القوم شور
لاشك فيه اختلاف وفرق بين الرجال = بالفعل والعزم والهمَه وصدق الشعور
هذي تماثيل من قلبٍ به الهمَ صال = صال ثم جال وحام ابداخله كالطيور
مانحنى راسي ألا للصمد ذو الجلال = قانع وراضي ومومن بالبَعَث والنَشور
يارب رحمتك يومٍ فيه شدَ الرحال = من دنيتي صوب سكَان الثرى والقبور
تمَت وهذي حكاية ساهرٍ لليال = صابرٍ والليالي بالمصايب تدور
[/poem]