ياقرقعه

[سعود بن سلمان]

وقتٍ مضى يا قرقعه جبت الابيات
واوميت بالسبحة ومسيّت عمتك
..
ياقرقعه ماعندنا صرف عشرات
دوّر وتلقى غيرنا يصرف ميتك
..
ما اسطي على ذم العرب وانت بالذات
ما اسطي على ذمك ولا اطول لحيتك
..
متحزمٍ بالصبر والصمت وسكات
لو عضني مع لحيتي ناب حيتك
..
سيفي بغمده والبواريد مركات
عسى الولي يدفع بلاك ومصيبتك
..
لاعيال عماتٍ ولا عيال خالات
ولانيب من ربعك ولا من قرابتك
..
ان طعتني سكّر جميع الملفات
لاتقص جرتنا ولانقص جرتك
..
ما ودي اضرب في يديك الكلبشات
لين امسكك متلبسٍ في جريمتك
..
وكانك تبين اذبحك وقع قرارات
عطني ديتك بيدك واعف بوصيتك
..
الناس يابن الناس قشران وعصاة
لاضمتها ياطيب الفال ضامتك
..
واحذر ترى غوص البحور العميقات
يقطع نفسك وعمقها يتلف ريتك
..
وكانك من اللي يقطعون الاشارات
بالحال نسحب رخصتك واستمارتك
..
ياقرقعة وابليس ما مات ما مات
لاتتبعه يعمي بصرك وبصيرتك
..
لالاتروح ايام عمرك حسوفات
اغنم حياتك قبل تدنى منيتك


خليل الشبرمى