مهـــاة الروض

[عبدالله المرشدي]

قصيده جديده جديده اضع بين ايديكم على شكلها قبل التنقيح والتعديل امل ان تنال اعجابكم مع احترامي لجميع الشعار ولجميع الاعضاء




[poem=font="Simplified Arabic,6,black,bold,normal" bkcolor="transparent" bkimage="backgrounds/17.gif" border="none,4,gray" type=2 line=1 align=center use=ex num="0,black"]
يامهات الروض عندي لك رساله=سجليها للزمن باقصى الخفوق
في نظام الحب مافيه استحاله=دام فيه اثنين عاشق ومعشوق
تحت سقف الحب عاشو في ظلاله=في مشاعر بعض يرفون الفتوق
لايغرك وجد شاعر في مقاله=واجد الشعار واغلبهم سروق
فيهم اللي يكتب الشعر بجزاله=وفيهم اللي يشتري نظم الطروق
اصلا انتي حسنك الطاغي لحاله=يستميل الوصف له من كل بوق
اساليني كان ودك بالاطاله=قولي اش معنى انا عندي فروق
انتي اجمل من تغشاني جماله=وانتي اجمل مارأت عين مخلوق
ماحدٍ غيرك سلب عقلي دلاله=ولاحدٍ غيرك حوى من كل ذوق
فيك معنى الزين كله والاصاله=كل شيٍ فيك لعيوني يروق
وكان قلبك ذل قلبي في وصاله=شلت حبك لو جرى وسط العروق
عقب ماكنتي غلاه اثمن حلاله=يمكن تكونين ذكرى للحروق
كنك انتي بس في غرب وشماله=كنك انتي في جنوبه والشروق
واجد الحلوات ياشبه الغزاله=بس انا في وصلهن ماني شفوق
اعرف دروب الشرف مابي جهاله=واعرف اشلون الوفا لاهل الحقوق
اعشق اهل الطيب راعين الشكاله=واحشم اللي في رضا ربه سبوق
اطرب لشوف الجمال بكل حاله=واعشق القمراء وافز مع البروق
اكره دروب المعاصي والظلاله=واكره الكذاب والنذل السروق
هكذا طبعي ولاحب النذاله=النذاله ماتجي باحدٍ صدوق
اعبـد الله واحمده رب الجلالـه=وان بغيت الصعب عندي مايعوق
واضح مبداي وانتي فيك حاله=ماتعرفين النجاة من الغروق
اسمعيني كان ودك بالجماله=مايصون الحب من ينوي يبوق
من يعيب الناس مايرفى خماله=كل واحد به عيوب وبه طقوق
تمت اوسف اذا فيها اطاله=قلت يمكن لاقرت تهدا وتروق[/poem]
عبدالله مرزوق المرشدي