استفدت من الذيابه ومـن نبـح الكـلاب

[فواز الشيباني]

[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="none,4,gray" type=2 line=0 align=center use=ex num="0,black"]
ياعلاوي نجـد علـك مراديـم السحـاب
=ديرةٍ فيهـا تربيـت يـوم انـي صغيـر


ياطبيب النفس شنهـو عـلاج الاكتئـاب
=اعطني وصفة اعلاجه ترى وضعي خطير


عشت في غربة حقايق وفي وضع اغتراب
=والتجـارب علمتنـي علـى شـي كثيـر


استفدت من الذيابه ومـن نبـح الكـلاب
=واستفدت من الرغا واستفدت من الهديـر


ولاكسبت الا معرفـة عزيزيـن الجنـاب
=ولاخسرت الامعرفـة عديميـن الضميـر


اقترب لا مقترب شين بعـض الاقتـراب
=ابتعد لا مابتعـد شـي فـي حقـي كبيـر


ياسؤالٍ كـل ماطرحـك ملقالـك جـواب
=مالي الا الصبر واهل الصبر توعد بخيـر


وصف خلان الرخا مثل ضحضاح السراب
=يفرح العطشان شوفه يحسب انـه غديـر


والردي لو هو ولد عم لاتحسب له احساب
=كم عزيزٍ ذلـه الوقـت بضيافـة حقيـر


والدروس انـواع تطبيـق والا بأنتسـاب
=بس انا اللي طبّق الـدرس قـدام المديـر


يا غريب ان مت شيلني اليا هاك الهضاب
=حط قبري بين عنتر وابـن عمـه زهيـر


حطني في مقبرة عبس مرويـن الحـراب
=حطني بااعلا علم عبس مروين الشطيـر


وان عسرك الوقت نطلع ونرجع للتـراب
=ويـارث الارواح الأ لـه الاول والاخيـر


اول الدنيا طرب واوسـط الدنيـا عـذاب
=واخرتها الموت والقبر وحسـاب عسيـر


ياجزيل الملـك يـا كافـل رزق النيـاب
=يا الاهي من عذابـك برحمتـك استجيـر
[/poem]
الشاعر عيد مربح