عليك ياشمعة بنات البوادي

[نوف]

[align=center]

[poem=font="Simplified Arabic,4,purple,normal,normal" bkcolor="transparent" bkimage="backgrounds/23.gif" border="none,4,gray" type=0 line=0 align=center use=ex num="0,black"]
يازين عقبك وين انا والرقادي
مغير اهل الدمع واجر ونات
ممسيت ليلي مثل ليل العبادي
سهران وارعى للنجوم الرقيبات
لوحيت لي صوت ٍ بعيد ٍ ينادي
غنيت حزني في تعابير وابيات
جريت مسحوبي وجيت امتحادي
واخذ بي الهاجوس فاقه وسكرات
جاريت انا راع البيوت الجدادي
طويت صفحات ٍ وفليت صفحات
لا تحسب ان الوضع يازين عادي
ماني بحول اهل الطرب والملذات
ياكن في قلبي رهاف الهنادي
وبين الضلوع العوج هم ٍ وطعنات
كني غريق ٍ لو يمد الايادي
ماينفعنّه بالبحور الغزيرات
ولا امحكوم ٍ يم موته يقادي
وتغاوزوه اهل السيوف الرهيفات
عليك ياشمعة بنات البوادي

ياعين شيهان ٍ يرّب الحمادي
ياما على شانك رقيت الطويلات
واجر صوتي لك واصوت وانادي
والقلب تردعه الضلوع النحيفات
اي والله ابكي يا مضنّه افوادي
عليك ياراعي الرموش الظليلات
بعدك عذاب وشوفتك لي عيادي
والقلب مجزل عن جميع الجميلات
نكست سيف الحب وسط الغمادي
وتكفيني الذكرى على كل مافات [/poem]


الشاعر نايف ابو طفره[/align]