لا خير في رجلن عن الدرب مطموش

[الشرهاني]

يا مرحبـا بالـطـش والــرش والـبوش
أقـولـــها بكــــره وبعــــده وذلحــين
من زود مـابـي قمـت اغني بلا نـوش
واقول يامـصـــعب فـراق الـعزيزيـن
النوش عانــــه عند عـايش وعــيوش
اللي يعانـــــقهم فصــــيل المــجانـين
وحنا هل الطولات والكوش والـهوش
واهل الجـموح اللي يرض المعاديـن
رجالـنا تلـــقاه حـــرقـن ومـحــموش
ويحس بالكـلــــمه لـيا جات فالحيـن
لا رابـشن فـينا ولا فــــيه مــربــوش
ولا فــــيه مــــقرودن يـعل الموالـين
ولا غاششن فــينا ولا صار مغشوش
نخشى الولي ونخاف دعوى البريين
ولا طامعن فينـــا ولا فـيـــه مهروش
ونقول للمقـــسوم عالـــراس والعـين
ويكفـيك عن رجــــالنا رأي ملـــبوش
ويغلب برايـه عــالــيات الـــموازين
لاخير في رجلن عن الدرب مطموش
لا صار عارف سكة الدرب من وين
جاك الخبر والعلم من عند خـربـوش
اللي مــن الـدنــيا خــذاله براهـــــين
وانا فـتــني من عـلى كــفـه نــــقوش
وهدوب خلقـــه خـــلـته كامـل الـزين
ما لفه الـملـــفوف بـــوزان عــــلوش
ولاّ بـرك حـظــه بـــروك البــــعارين
ما جرب الضــيقه وساكن له عروش
واليـــا نوى يرتـــاح وسـط البـساتين
ما باقــــــي الاّ ويتـــسيد بطـــربوش
والراس فوقــــه راس والـحل بعدين

فيصل الغبيوي