اللي يبي يرتاح في غير القناعه لايتوق

[الصهد]

[frame="2 80"]
كم واحد حطوه في قبره وباقي له حقوق @ وكم واحد راحت حقوق الناس في قبره معه

ياللي تبوق الناس وش رايك نسميك السروق @ والابعد ماودك ان الاسم هذا تسمعه

يمكن تتوب من الجرايم حقتك والا تفوق @ والامهف مقيط وارشا امقيط واللي يتبعه

بكره ليا باح الكلام ويبست ارياق الحلوق @ ووقف على بابك رسول الموت محد يمنعه

الناس منحولك وكل هابط له بطن سوق @ واقربهم اللي قام يدعي لك ويمشي مدمعه

وجاك الملك من بينهم يسوق فيك الموت سوق @ وانته تعاين فيه لاكن مانت قادرتدفعه

هم قام ينزع روحك اللي جودت معها العروق @ وأنست حرالموت في قلبك قبل لاينزعه

والتفت الساقين والتمت عراجين العذوق @ وجاء عند زورك من عظيم الكرب صوت وقربعه

وراح النظر يطرد ورا روحك ويلحقها لحوق @ وقرت عيونك في السما والروح راحت مسرعه

واصبحت في قبرك قبل لايبتدي وقت الشروق @ من تحت سطح الارض في حفره قليله لذرعه

يعني كذا خلاص ماتقدر تغش ولا تبوق @ ولا يفيدك لاحلال ولا تفيدك مزرعه

راحت حقوق الناس في ذمتك طوق فوق طوق @ ياكيف بعد الموت حق الناس تقدر ترجعه

المال ياخذه الولد وان كان في قلبه عقوق @ ينشد عن أيام العزا ثلاثة والا اربعه

مادامت القوة ولا عمر على الأرض امخلوق @ الادمي مهما يطول العمر يلقى مصرعه

هذا كلام العقل والنطق وثقنا به وثوق @ وان كان راسك مااقتنع به حاول انك تقنعه

والا ترا الذمه برية منك واصبحت امحقوق @ وان كان ودك بالسلامة فاسمع الشور وطعه

بعض العرب لاشفت جريه قلت عـزالله سبوق @ يطرد ورا الدنيا ولو حاش الذهب مايشبعه

عينه على اللي عند خلق الله وفي قلبه حروق @ لـوكان يقدر كــان حـتـى الـمــا عليهم يقطعه

الله قسم لارزاق يوم اعطى المزايا والفروق @ وما فيه نفس الالها رزق وفيها منفعه

والا من اللي علم المولود يين اصبح يذوق @ من علمه يلقى حليب امه ويقدر يرضعه

اللي يبي يرتاح في غير القناعه لايتوق @ يرضى بمقسومه ولا يتبع هواه ومطمعه

والرابـح اللي راح في قبره وباقي له حقوق @ ماراح في قبره وكـل حقوق خلق الله معه

راقت لى ولا اعرف قائلها
[/frame]