محمد دغيّم وناصر تراحيب

[عادل العصيمي]

السلام عليكم ورحمة الله وبركاته


قصيدة لـ شيخ الشيوخ أستندها لي وهي تعتبر هجمة مرتده على الثنائي محمد دغيّم وناصر تراحيب


[poem=font="simplified arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]
ياعادل الخاطر تغير مساره = اليوم أنا ماني رفيقٍ على الطيب
لازم على الطايف نشن الأغاره = ونطق راس الذيب وصحيبه الذيب
على مدير المنتدى ومستشاره = محمد دغيّم وناصر تراحيب
اخذت معهم لفتٍ واستداره = وعرفت نيتهم ولو ما اعرف الغيب
المتهم ناصر مدير الاداره = اللي يحضر ايام وايامٍ يغيب
لو قال انا البيطار نمر النماره = ومهندس الموقع حصان الاطاليب
وصحيبه محمد وكيل الوزاره = تقول جلمودٍ شوته اللواهيب
مدرمحٍ يدحم بجنبه وزاره = وذهين ما تمشي عليه الالاعيب
جلساتهم ليلي بوسط العماره = ويخططون ويفتلون الاشانيب
لازم تقاعدهم نصدر قراره = ونكرسع الاثنين في سجن ابو غريب [/poem]


وهذا ردي على القصيدة


[poem=font="simplified arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]
يامرحبا باللي رفيعٍ وقاره = الصاحب اللي من خيار الاصاحيب
ترحيبهٍ ترفع براس المناره = تشرق علاها الشمس وتزول وتغيب
سندبها الناموس صوب النعاره = الراس منها يطّبخ للمواجيب
من عقبها نبدي براس الزباره = والا ارتفعنا فوق روس المراقيب
ونحدد الأهداف ونحط شاره = ونرتب القوات للغزو ترتيب
حتى تفوز جيوشنا بالصداره = ومظفرة بعد النصر بالمكاسيب
أول على البنزين نقدح شراره = ونولع النيرة بروس المشاهيب
على الثنائي ابن سعدي وجاره = ونحدهم على الدروب الصواعيب
واللي يحس بجوف صدره حراره = يرسل مناديبه ونرسل مناديب
وأهل القصايد والفخر والإثاره = ياعنك والله لنظهر بروسهم شيب
حتى يعوّد كل طرقي لداره = لو عودوا بعض الطراقي مصاويب
أهم شي البيت نبني جداره = نلقالهم بعدين بعض التطابيب
اقدم يانسل المشيخة والاماره = ما دام ما عنها مناص ومجانيب
أنا يمين أهل الفخر والجداره = لن كانها بالطيب والا المشاعيب
في ذمتي ما أحسب حساب الخساره = وأنا مع الوافي عطيب المضاريب
خاطرك ياذيبان عدل مداره = يومين تصفي من بعدها المشاريب [/poem]


,