ويش اوصف فيك يا تـاج الجمـال وسرمديـه

[نوف]

[align=center]

[poem=font="Simplified Arabic,4,green,normal,normal" bkcolor="transparent" bkimage="backgrounds/1.gif" border="none,4,gray" type=0 line=0 align=center use=ex num="0,black"]
اه من يـوم صدفتـك فيـه ياسمـح السجايـا
جعل هاكاليوم يسقى كثـر مـا تطـري عليـه
انت تدري وش جرى للي ورى عـوج الحنايـا
يوم يرجف في ضلوعي كـن فـالقـاع برديـه
وش جذبني فيك مدري مير يـا زيـن الحلايـا
ويش اوصف فيك يا تـاج الجمـال وسرمديـه
وش بقى للخيـزران وعـودك يـوزع تحايـا
كل مـا ذعـذع نسيـم النـود بديـت التحيـه
وش بقى للشيح والقيصـوم وخزامـا الشغايـا
وش بقـى للعـود واليشم وموانفاسـك زكـيـه
وش بقـى للجمـر والرمـان ياحمـر الشفيـا
وش بقى حتى الشفق والدم مـن لـون الشفيـه
وش بقـى للـول والمرجـان يابيـض الثنايـا
وش بقى حتى البرد والمرو مـن لـون الثنيـه
هيه ياجامع شتات الزين مـن بيـض الصبايـا
انت كل الزين اخذتـه مـا بقـى فيهـن بقيـه
وهيه ياجامع خصال الطيب من بيـض النوايـا
انـت وش خليـت للعالـم وش سويـت فيـه
أسـألـك بالله ماتـؤمـن بمـقـدار الهـدايـا
كان تؤمن جـاك قلبـي واقبلـه منـي هديـه
واعرف انـي ذخـر قـوم مايهابـون المنايـا
مير شفني من غرامـك وارد احيـاض المنيـه
كيف اب ارحل عن غرامك وانت في كل الزوايا
كن عيني ماتشـوف الا انـت والدنيـا خليـه
والله اني كنـي انـت وكـن هالعالـم مرايـا
في وجيه الناس اخيلك وانـت ماتسـأل عليـه [/poem]
محمد بن عوض بن سرور

[/align]