ماينـسفـني...يابـطـل ينسـفـنك!!!!!!!!!!!!!؟؟؟؟؟

[رهين السهر]

أعزائي،،،،،،،
سبق وأن ذكرت قصيدة الشاعر الكبير بعيد المدى عن كيد النساء وردي عليه والتي كانت بعنوان (احذر تصدقهن ولوبايعنك)،،
واليوم سأورد رد بعيد المدى لي ومن ثم ردي،، وقد كان رده قاسياً بعض الشيء ولكن روح الشعر لابد أن تطغى على الجميع!!!
مع العلم أن الشاعر بعيد المدى لايجارى لقوة شعره ،،
بعيد المدى يخاطب رهين السهر:

[frame="9 80"][poem=font="Simplified Arabic,5,black,bold,normal" bkcolor="transparent" bkimage="backgrounds/39.gif" border="none,4,gray" type=0 line=1 align=center use=ex num="0,black"]
ما ينسفني يا .......... بطل ينسفنك=والله لأعسفهن وانـا مـورد الهيـب
وما سحبنـي كـان هـن سحبنـك=انـا دواهـن لابسـات الجلابـيـب
وما سهرنـي يـوم هـن سهرنـك=اسمك على رسمك يناقضك ويصيـب
كانـك رهيـن وبالهـوى قيـدنـك=انا مـن أحـراراً تسـج الأداعيـب
يامحامي الخفـرات كـان اشبعنـك=فـل وتخثـع فالقشـع والأطانيـب
ان كان هن فـي حزبهـن رشحنـك=انـا يرشحنـي رجـالاً مناصـيـب
وان كـان هـن يابوسهـر وكلنـك=قم دونهن واشرب قراح الرواسيـب
ورحب بهن فـي مجلسـك لا لفنـك=معهـن علومـاً طيبـات وتعاجيـب
يامـا حـلا معهـن قرقـاع شنـك=لا علّقنـك فـوق روس المصاليـب
خـل العـذارى يـاولـد يدعمـنـك=وحطوا لكم جلسات وسط الأشاعيـب
وخـل الرهايـف بالفشـق يلحقنـك=وقوموا بتدريبات حـول المضاريـب
تبـا تنومـس قدمهـن وأزغـرنـك=خلك تعلـم مـن كثيـر التجاريـب
واللـي غذنـك خلـهـن ينفعـنـك=أنـا غذونـي عاكفيـن المخالـيـب
ابك انـت غـادي والبنـي وهقنـك=وتكريرك القيفان نوعاً مـن العيـب
الطعن ما هـو فـي حريمـاً سقنـك=حليبهـن فالماضيـات المذاهـيـب
أمـي وأمـك غـيـر لا يشغلـنـك=ما أقصد عريبات الأصل والمناسيـب
لا تعـتـرض قـوافـلاً جنـبـنـك=من يعترض يقمح ويلقـى عذاريـب
لولا زحـول المنتـدى قلـت كنـك=وما نيب متعود رخيـص الأساليـب
وفي خاطـري باقـي بيوتـاً يبنـك=مار الحشمة دونهـن يـا تراحيـب
اعصر عنب يـوم الجـوازي بلنـك=وحنا نضخ النفـط عبـر الأنابيـب
ان كان تبغى الطيـب بطلـت زنـك=وان كان طعت بليس قم هات واجيب
كسّـاحـة الألـغـام لا يكسحـنـك=ورادار الأستطـلاع فـوق المراقيـب
كـان اعترضـت دروبهـن دمرنـك=غلطـان والغلطـان يحتـاج تأديـب[/poem][/frame]

وحاولت أرد عليه :

[frame="9 80"][poem=font="Simplified Arabic,5,black,bold,normal" bkcolor="transparent" bkimage="backgrounds/39.gif" border="none,4,gray" type=0 line=1 align=center use=ex num="0,black"]
أنـا رهيـنٍ دونهـنَـه واظـنـك=فاهم غلط والراي خالـف تصاويـب
أنـا رهيـن اللـيـل لادن دنــك=دون العـذارى بالرمـاح المحاديـب
أنـا رهيـن الليـل لامـن حدنـك=حدب السيوف وصار ليلك نواكيـب
أنـا رهيـن الليـل لامـن غطنـك=سود الغيـوم مظلمـات الغواشيـب
أنـا رهيـن الليـل لاطـاب هنـك=سريت بالجيش المهـوَل غواصيـب
إي والله اسهـر والليالـي يبـنـك=سهار ليل تـدرب الجيـش تدريـب
انشد جنـون الليـل يخبـرك جنـك=ليا قلت الوزنـة هويـت التعاذيـب
ولاانت كيف الحـال لامـن نصنـك=بيض العذارى بعد ماشقـن الجيـب
يبغن فزعـه مـن جنابـك وجنـك=وصاحن تعزون بالرجال النواجيـب
ماظـن تفـزع ياولـد يمكـن انـك=تقصر يدينك عقب شوف العواجيـب
تسبـهـن دايــم ولازعـلـنـك=وحطيت في درب العذارى مشاهيـب
وانكرتهن مـن عقـب مامازحنـك=وعقبه هدمت البيت من دون تعقيب
وهنـه يبـن الستـر ويناظـرنـك=ستر العـذارى فالليالـي الكواليـب
لاصـار غبـرات الليالـي طونـك=ورمح المعادي صاب عذراك تصويب
وش ينفعك عقب الليالـي امحقنـك=وش ينفعك والروس صارت مناكيب
روَح مـداك بعيـد ثـم خالفـنـك=على العذارى عاكفيـن الشواريـب
خل المـدى ينفعـك لامـن سقنـك=مـر الليالـي والزمـان الحواريـب
اقصـر مـداك شـوي لايذهبـنـك=ميل الرياح مع السيول العواصيـب[/poem][/frame]