ماذا قال الشعراء عندما حنو لحايل

[صقر شمر]

حايل عروس الشمال دره الاوطان ومتعبة الجمال حايل ارض الوفاء وارض الشفاء

وارض المناعه والنقاء من اسمائها وادي الديعجان مشرعت البيبان دلاله على اكرام

الضيفان هذه الارض التي ولدة بها وكبرت بين جبالها وسهالها وشعبانها هذه

حائل,,,,,,,,,فهل لديك ماتقوله لها

--------------------------------------------------------------------------------

سـلّم على حايل وسلّم على شــمّــر



[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

الشمـس غابـت وكـل ٍ دوّر سراجـه=والشوق جمّر محـرّ الشـوق لاجمّـر

دام اتجاهـك شمـال مودعـك حاجـه=سلّم على حايـل وسلّـم علـى شمّـر

قدامك الخافـق اللـي ينشـد علاجـه=كنـه معلّـق علـى بـرزان ومسمّـر

وانت تعرف يا بعد حيـي مـن تواجـه=بيضان الافعـال لامـن الزمـن سمّـر

ان ضاقوا أعنف من البحـر وامواجـه=وان راقو اركد من الخرمـان لا عمّـر

كم صيت بيت ٍ عتق في الباب مزالجـه=وكم شيخ امـاره قبـل تعيينـه مومـر

وكـم حاتمـي ٍ تكفـيّ فلّـة احجاجـه=وش لون للضيف لو عن ساعده شمّر ؟

وان مـر تاريخهـم متلبـس ٍ تـاجـه=كم عاشق ٍ كيّف وكـم حاسـد ٍ زمّـر

في جو ٍ اغلى على الرجلي الى داجـه=من ديرة السادس ومـن ديـرة معمّـر

كنّـه الا اهـدى لـه البـراق فجاجـه=خلت غرير ٍ ضحك ومن الخجـل حمّـر

توارثـو حرثـه وتمتـيـر ديبـاجـه=ركابـة الجيـب مـن ركابـة الضمّـر

الودّ لا غرس بدري صعـب مخراجـه=والله ولا الـذّ واحلـى منـه لا ثـمّـر

ادخل على اللي تطوف البيـت حجاجـه=من ناقص ٍ عند مـدح الغيـر يتذمّـر

والمدح لو كان في الرديـان للصاجـه=ويقال عمّـر بلـد بالعـون مـا عمّـر

والـذّم لـو زاد فـي الطيـب تولاجـه=لا احرق ولا اغرق ولا عمّر ولا دمّـر

ماني بمتحسف بشعـري علـى حاجـه=الا اني اروح مـا غنيـت فـي شمّـر
[/poem]
الرائع / ناصر القحطاني

--------------------------------------------------------------------------------

(( وقالوا في حائل ))





[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سحابـةٍ وسميـةٍ هــل مـاهـا=أروى بساتين الضمايـر مطرهـا

سحابـةٍ طفـت بروحـي ظماهـا=سبحان ربٍ ساقهـا مـن بحرهـا

دعوه عزيزه حي منهـو دعاهـا=وحي القلوب اللي عزفت لي وترها

حايل نظر عيني وروحـي فداهـا=وش فايـدة عيـنٍ بليـا نظرهـا

بحميضهـا وقرّيصهـا ماحلاهـا=بنوارها مع شيحهـا مـع زهرهـا

تسلـم بواديهـا وتسلـم قـراهـا=تسلـم منابتهـا ويسلـم شجرهـا

يكفي بأهل حائـل عظيـمٍ ولاهـا=ومن حاتم الطائي ملامـح بشرهـا

هديةالشاعـر حـروفٍ قلـراهـا=مشاعرٍ فـي داخلـه مـا قدرهـا

حاول يهـدّي موجـه ا ماقواهـا=هبت شمال وهيضت مـن خبرهـا

أحبها فـي صيفهـا فـي شتاهـا=أحبها في شمسهـا فـي قمرهـا

يازينها في أرضهـا فـي سماهـا=ونور القمر لين إنتصف بك شهرها

يومي صغير وخطوتي في ثراهـا=لو الشهيبـا باقيـه جبـت أثرهـا

والشاعر هضيبان لاجـا ضحاهـا=يمر أبوي وكـم سوالـف ذكرهـا

أنـا تسمّـع كـل قصـه بـداهـا=أبـي الحقـاق وكيستـه لانثرهـا

العزوة اللي تسعـدك فـي وفاهـا=ميل على حائـل وتلقـى خبرهـا

العزوة اللـي كـل حايـل وراهـاما=ظـن بالدنيـا شبيـهْ لصورهـا

أقطف من أعشاب النفود وجناهـا=وأفرش لأهل حايل بقلبـي ثمرهـا

وأجمع من نجوم السماءفي رضاها=وألبّسه عقـدٍ لهـا فـي نحرهـا

حنـا بدولـه طيّـب الله مساهـا=كـلٍ لهـا يدعـي وكـل شكرهـا

فوق المية عـام وحنـا برخاهـا=وعشرين أبو فيصل تشرّف ديرهـا

لعبـدالله وسلطـان زايـد علاهـا=هـذا سحايبهـا وهـذا نهـرهـا

الله يرحم مـن تعـب فـي بناهـا=ورّث صقورٍ تسعدك فـي خطرهـا
[/poem]رائعة من روائع الشاعر / سعد الخريجي

--------------------------------------------------------------------------------




[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يـا حايـل الامجـاد دار البـدايـد=الطيبيـن اهـل الوفـا والجمـايـل

بني تميـم وشمّـر اهـل العوايـد=وبني رشيد وحـرب واولاد وايـل

اهـل المفاخـر والكـرم بالشدايـد=اهل الصخا واهـل النقـا والفعايـل

من له بـ(قحطان) اليمانـي عدايـد=ومن كان من (عدنان) جدّ القبايـل

حازوا على الطولات والطيب كايـد=ولا كـل رجّـالٍ يحـوش النفايـل

قامـوا بواجبهـم رفـاع السنايـد=يوم الأمير الفيصلـي طـب حايـل

ابدي سلامي وابـا اهنـيّ واعايـد=واذكر صناديـد الجبـل والفصايـل

ابيات شعرٍ مـن ضميـري فرايـد=من هاجسي نبـدع جديـد المثايـل

للي قريب ومن هـو اليـوم نايـد=سـلام منـي يـا عيـال الحمايـل

حايـل زهتهـا زاهيـات القصايـد=اجبالهـا وسهالـهـا والمسـايـل

قصايـدٍ مـا هـي حبـال المكايـد=للـي يعـرف دقاقهـا والجـلايـل

طرايـف العربـان خيـر الفوايـد=ولا ينبنـي علـمٍ بلـيـا دلايــل

اقولهـا واعلـن بهـا بالجـرايـد=هرج الصراحة والسنع والصمايـل

مثل الذهب نظـم البيـوت الخرايـد=نذكر صحيح العلـم والكـذب زايـل

لاهل العقول اللـي وسـاع البنايـد=ومن كان للامثـال والشعـر قايـل

مـا هـي علـومٍ ندفعـه بالرفايـد=وقفـة قـدم ومكمَّـلاتٍ اصـايـل

وحايل سقاها من اول الوسم عايـد=من ممطرات الوبل وبـل المخايـل

غر المـزون المهمـلات الرجايـد=مزن السحاب المرزمـات الثقايـل

والحمـد لله خيـر والامـن سايـد=وارض الوطن ما نبتغي لـه بدايـل

واميرنـا للمجـد والـعـز قـايـد=سعود السعد (2)يسعى على كل طايل

وصلاة ربـي دون نقـصٍ وزايـد=على نسل (عدنـان) راع الفضايـل
[/poem]

قصيدة للدكتور عبد الرحمن الفريح

--------------------------------------------------------------------------------



[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

من ذاكرة كـل التواريـخ حايـل=هذي اجا للمجـد والعـز سلمـى

بنت الجبال أخت الشعر والمثايـل=لولاك قلنا المجـد للمجـد يضمـا

يام الكرم والجـود وام الجمايـل=العين دونك ما بهـا كـود ظلمـا

عيبك رحيبة فيك شمل القبايل= والشعر بك يختال وإن جاد يسمى

هذي ربوعك به شهـود ودلايـل=سطر بها التاريخ لعيون الاعمـى

ذكر يطيب بذكر ذيـك الخصايـل=واللي يشوف الجود غيث ويهمـى

ما قلت شعري مدح بـالام حايـل=لا شك اجا غنىَّ على اسماع سلمى
[/poem]الشاعر ( عبدالكريم التميمى )

----------------------------------------------------------------------------



[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

لاهيب دار الشرق..لاهيـب شامـي=لاهي مصر لاهيب تونس ولاعـراق

لاهيـب دار سبيـع ..لادار يـامـي=دارٍ هويتـه وانكتـب بيننـا فـراق

ارسلت انا لجبـال حايـل سلامـي=يوم الغلا والشوق والشمس عشـاق

حايل بعشقـه ينتهـي بـي كلامـي=ورقيت انا في عشقها كـل الآفـاق

لاتنشـدن يالايمـي وش عـلامـي=حبيتها من هامتي ..لاسفـل السـاق

حبيتها واسرفت لـه مـن غرامـي=ومن زودشوقي غدى الشوق مشتاق

بيني وبين الشـوق شبـه احتدامـي=يكمش وريد القلب والقلـب صفّـاق

اشوف انـا صديانهـا فـي منامـي=واشوف باحاته علـى كـل الاوراق

واشوف اجا ورمان وهاكالعصامـي=وبرزان يضحك لي وانا بالوصل عاق

حايل ..تهدّي..واستريحـي ونامـي=دام القدر ياحلوتي صـار ..سـراق

دام القدر سـوّا سـوات الحرامـي=لابد مايسمحلـي الوقـت ..بعنـاق

يالايمـي وشلـون مثلـي يلامـي=وشلون ينلام الضحى بحب الاشـراق
[/poem]


الشاعر ( نواف الشمرى )

--------------------------------------------------------------------------------




[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
حوراء سنا بسحـر البهـاء سـار=باهر بهاه اطفأ بها جملـه الحـور

طلت وهلت واهمل الوبـل مـدرار=يبكى سماء ويضحك الورد مسـرور

غنا غنـوج تبتسـم لـك الازهـار=عبيرهـا مسـك وعنبـر وكافـور

تشكلت فيهـا الروابـى والاشجـار=لبست حللها زينـه القـد والطـور

فاحت روايح ريح روحـه والاثمـار=نشوة شذاة تنعش الـروح بعطـور

عليلهـا يشفـى عليـل بالاسحـار=ترقص غصونه بالصباتيه وغـرور

دان جنا جناتهـا الخضـر وجـوار=طرب بها البلبـل يغـرد لشحـرور

تكاملـت وامسـت محـط للانظـار=صيغت بها الاشعار نظـم ومنثـور

ناديتها بخضـوع واجـلال واكبـار=مستسلم هايـم ولـو مـت معـذور

بالله يانـور العـذارى والاقـمـار=من ويـن يابـدر تكامـل بديجـور

قالت سنا شمس العرايس والاقطـار=تاج الجمال ومنتهى الحسن والنـور

اهلى رجال المجد وافيـن الاشبـار=لطامـه العايـل فنـاكـل طـابـور

ياماتفا نوا وارخصوا غال الاعمـار=من شان شانى واسمى اليوم مشهور

حايل فخر شمر هل الـدار والجـار=يوم الوغى صبيان حايل على سـور

قوم الى ثـاروا هـل الـدار للـدار=تفرح بهم عينى وافاخر هل الـدور

قوم تجر الضيـف لكتـاروابهـار=طبع تواصوا به غيـاب واحضـور

يـادار حاتـم لـو تنحيـت مقـدار=القلب بين السمر والحمـر ماسـور

دار نشينابـه موالـيـد واكـبـار=حقه كبيـر وعقهـا زور وفجـور

ام لنا نفخـر بهـا سـر واجهـار=اهل الجبل دونه سبيل عـن الجـور

ياما وطو دونه من النـار والحـار=احد فنى واحـد بـذل كـل مذخـور

واليوم عز الدار من روس الاخيـار=من صلب ابو تركى مناعير ونمـور

صاروا عيال العود لها مثل الاسوار=وقرت بهم نجد بعـد كـل محـذور
[/poem]
الشاعر المرحوم (عبدالله الاشقر)

--------------------------------------------------------------------------------




اغليك يادار بـك الخـال والعـموقلبى وتفكيرى ودمـى وروحـى

اغلى ترابه واغلى الضلع الادهـموجو يخلى كل صـدر شروحـى

احبهـا بالليـل والليـل ملـتـمواحبها وقت المسـا والصبوحـى

احبها حـب عليـه اللحـم صـمحتى يحطون الجسد بالضروحـى

انا بحبه ناشـف الـراس معـرموغلاة غطى فوق عالى طموحـى

غلاة فوق العـد والكيـف والكـمماينقرى رقمه طويـل فضوحـى

دار بها مـن دور حاتـم مكـارممن مطلع الاسلام قـب الفتوحـى

وقامت بها الاحفاد تنهـج وتهتـمفى طيب اهلها كل مخلوق يوحـى

وياويل حالى كان بعدة علـى تـموياحسرتى ون كان طول نزوحى

تكفون حلـوا عقدتـى لا تحطـمالحكم لـو كـان مانـى لحوحـى

ابكى قهر وان جيت عفشى محزموقول واعزاة وشلـون اروحـى

انـا حياتـى دونهـا كلهـا غـمسنة ضحوك ومدميـات جروحـى

مدمن على ماها ومدمن على الشمشمت هوها يـوم يقبـل يفوحـى

ويازين ضلعه كان بالضل سلهـموقام الحمام اللى بلوحـه ينوحـى

اضحك طرب كان الشمالى تنسـموالبدر فـو جـو العليـا يلوحـى

سبحان من كمـل جمالـه ونظـمجمـع نفـودة للسهـل للفوحـى

وصارت كايه نور والكون معتـمعندى وكل فـى دبـارة بجوحـى

ومرافقه ناس بهـا يبعـد الهـماللى مجالسهـم تـزود فروحـى

امشى مع اللى لا حسدنى ولا نـمورافق الرجل الشريف السموحـى

نضحك مع الغالين والليـل مظلـمالجو بارد والسواليـف مزوحـى

هـذا يرحبـك وهــذا يسـلـموهذا يهلى من ضميـر نصوحـى

هذى منـاى يـوم قالـوا تكلـموضحت مابلقلب مانى شحوحـى

حبى لها ماهو علـى غيرهـا ذملكن بغيرة صار حبـه رجوحـى

وصلوا عدد من يسكن القاع واليمعلى رسول فى كلامه وضوحـى


الشاعر ( عبدالعزيز بن طلال الشمرى )

--------------------------------------------------------------------------------




سـلام يـدار ذراهـا رجالـهـاسلام من قلب ترعـرع بجالهـا

سلام احلى مـن ينابيـع جوفهـااعداد مالسالـت شغايـا جبالهـا

دار بها بالجود والطيب والسخاءصيت مابين اجواد شرق وشمالها

ومن عهد ابو تركى تمارت بزينهاشيخ صعيبات الامـور ارتكالهـا

بمصقلات الهند والدين والشـرفاسس بلاد يطمئن مـن لجالهـا

واليوم من فضل الالـه انتهضنـامسيـرة التعليـم حنـا عيالهـا

بوجود ابو فيصل درانـا وعزنـااقصى الامانى من طلبها ينالهـا

شهم كريم النفس ماصـك بابـهمن حدته دنيا الشقا قـال انالهـا

جماعتى شعبى فلا فـرق بيننـاابنا وطن يازينهـا يـوم قالهـا

والا النظافه مـن قديـم نظيفـهتشهد لها (الليدى ) نظيفه رمالها

لاشك ماننكـر جهـود البليهـىحق علينا نشكر اللى سعى لهـا

ورئيسها الحالى بعيد عن الدنـامانطلـب الا يجتهـد لاكتمالهـا

وختامهـا اعيـد مبـدا مقالهـاسـلام يـادار ذراهـا رجالهـا




عثمان المجراد 1406 هــ
تجاوب مع حصول
مدينه حايل على المركز الاول
فى مستوى النظافه

--------------------------------------------------------------------------------



يابو هلا لا جيـت شقـرا جديلـهبنت الجبل فاذكر لها ماجرى لـى

عنـود عنـدل ماتخلـى خليـلـهرمز الوفاء واسمى معناى الجمالى

قل له ترى مانى على الوقت حيلهابعـد ولالـى حيلـه بالليـالـى

احبهـا والحـب شوقـى دليلـهيشهد على بالحب من شاف حالى

حالى عليهـا يشهـد الله عليلـهواصبر وادرى الحال بالاحتيالـى

انهب لها من غالى العمـر ليلـهوارسل لها بغياب شخصى خيالـى

واجى لهـا قلبـى لعينـى دليلـهجيتـه خليـل طامـع بالوصالـى

انـا حياتـى بالعيـون الظليـلـهودنياى لا شفـت الحبيبـه قبالـى

فيها علـى كـل الصبايـا نفيلـهعشاقهـا باشواقـهـا ماتبـالـى

نجديـه مـن شامخـات القبيلـهولها من حيـود الطنايـا رجالـى

تجود لـى بالـود ماهـى بخيلـهوديلها عـن خدهـا لـى ظلالـى

ان جيت قالت جيتـك لـى قليلـهتـزور ساعـات وتبعـد ليالـى

ياقرب ماتنسى الليالـى الجميلـهوقت الربيع بشامخـات الجبالـى

بين المعلـق والحيـود الطويلـهعلى الغدير اللى يفيـض الزلالـى

قلت اعذرينـى بالجفـا يالاصيلـهياللى غلاك اقصى غلا كل غالـى

لولا الظروف اهدى لك العمر ليلهواحتار قربك ياعروس الشمالـى

ياديرتى يسقـى ثـراك المخيلـهياماكر جـدودى وديـرة خوالـى

قلبى يحـب الموقـدة والرعيلـهوخشوم جلديـه وسمـر الجبالـى

الموقـدة لضيـوف حاتـم دليلـهنـار لهـا بالنايفـات اشتعـالـى

نار بجوف الليـل يومـى شليلـهاللـى عليهـا يعتقـون الموالـى

حاتم صخا للضيف سيفـه وخيلـهعادة هـل الغلبـا قديـم وتالـى

وقـت مايرخـصـون الكحيـلـهبالضيق ماتسوى الكحيله ريالـى

وعنتر عذاب الخيل مرو السليلـهفوق النعى هالو عليـه الرمالـى

وعدى وزيد الخيـل هـذا مقيلـهوهذا حمى بقـار مـرو السلالـى

ودار المهادى يوم يوفـى عميلـهوجشعـم وزقـام بعـاد الموالـى

والشبرميـه يـوم تمـدح دخيلـهودار اخو خنسا وبوزيد الهلالـى

تـوارخ لجـدود اهلنـا طويلـهيعدهـا قبلـى جميـع الرجـالـى

والشاعـر اللـى يـدارى قبيلـهنـو تنـال العقربيـات سـالـى

يارد على كـل العـدود الطويلـهوخاض البحر وادلى على كل عالى

مثايـل قلتـه بشـقـرا جديـلـهبنت الجبل حايل عروس الشمالـى




الشاعر (احمد فهد العلى العريفى )

--------------------------------------------------------------------------------





سلام يادار لهـا القلـب سـارىفى ليل غفلات العرب لمها طـار

يطوى مشاوير الخـلا مايـدارىاوصاف شيهان على كف صقـار

مزاهبه ماغير شـوق وطـوارىوركاييه عزم وتصميـم واصـرار

جاهـا وناجاهـا بليـل الغـدارىوقام يتحلاهـا بعـدلات الانظـار

لقاة فى ثـوب البريسـم تمـارىغطروفه فى جيدهـا عقـد نـوار

بعيونهـا ليـل يخـف الضـوارىمار الحذر ياللى تهابون الاخطـار

يلوح به برق على البعـد سـارىيرمى على درب الظفاير لهب نار

ويشفاة من نو السماكيـن جـارىمايروى العطشان لو يشرب امرار

عمهوجه قلبه من الخوف عـارىمن دونهـا ربـع الكـود صبـار

فى حضن اجا نامت وهى ماتدارىوعيون سلمى له على البعد تندار

ورجاليها قوم تـروى الهـوارىمن خشم رمان الى حـد سنجـار

يابنت اجا روحى لروحك تبـارىوانتى لنا دار ولـك بالحشـا دار

محبتك ماهـى هـروج وهـذارىيشهد لها دمع على الخـد نشـار

بعدك عن القلب المشقى عـزارىوقربك لعطشان الفلا ريف وامطار

ليلى يعاند فـى غيابـك نهـارىواثنينهم يكوون روحـى بالافكـار

وبالحيل طالت غربتى وانتظـارىوانا على حلـم قديـم ولا صـار

دار بها للطيـب رمـز ومـوارىوبالطيب اهلها مايطيعون الاشوار

دار العبيكه واخو شاهه وضـارىخيال سـودا ماتتقـى بالاسـوار

ودار بها عرق الحدب والفـوارىوزوبع مقابيس المنايا هل الكـار

ونضايض اليتمـان واولاد بـارىضياغم تارد على حوض الاكـدار

وديرة مصارع يوم ذب الغتـارىاقفى ودور له مع الشـط معبـار

وربعى هل المحجان ياحى طـارىحجلان لبـدة مرويـه كـل بتـار

دولا هلى ياللى باهيلـك تمـارىوالشمس شمس ولو حجبناة بستار

تشيمـن يالابسـات الـخـزارىعن ضايع الهمه وعن الميت النار




الشاعر ( احمد فهد العلى العريفى )

--------------------------------------------------------------------------------




الله مـن قلـب لـه الهـم بـارىجرحه عطيب وعيشته هم واكـدار

يكفـخ ولالـه بالزمـان اقتـدارىيمسى بهوجاس ويصبح على نـار

طار الكرى واستسعر القلب نـارىولجا بلاجى مهجه الروح مسمـار

جانى جواب جـر دمـع امتـدارىمن حاجر اعيونى سخـى ومـدرار

حـر كسيـر ولا لحالـه مـدارىولو هد مكسور الجناحيـن ماطـار

وبخلاف ذا اللى مع الفجر سـارىوحيد على هاف مع الـدو مطيـار

شدة وهو تـوة جديـد المشـارىعجل الى لجلج هميـم ليـا سـار

انقل لمن خـلا دموعـى جـوارىشوقى وماقلته ودمعـى والاعـذار

وقل له ترانى اذكرة بكـل طـارىولو هو بعيد له معى زين الاذكـار

هيضتنى بحايـل ديـار الضـوارىدار السخاء دار الحميـه والاحـرار

دار بهـا حاتـم دفيـن وضـارىويقول انا اللى بشرن سيد الابـرار

ولو عاد اعدد فى مساى ونهـارىصورام مااحصى عددهم بالاشعـار

جمع الطنايا اللى من اللوم عـارىغلبا والاسلم واهل حايل وسنجـار

قبلك انـا ظلـم بوجهـى نهـارىوبكيتها ولا لوم مـن يبكـى الـدار

بكيتها بوقـت مضـى واستـدارىولا عاد يوم بـه تركتـه ولاصـار

تركت بـه دار الحيـود الغـوارىومغيضه مواكر كل حـر ومغـوار

اهله يسمـون الفهـود الضـوارىعوق الخصيم اللى يدرسون الاخطار

واجا وجلديه وخضـر الصحـارىوياطب وعكاش بقلبى لهـا اذكـار

والسلف وتوران عليـل الـذوارىوعقدة ورمان الجبل زين الاشجـار

دار وهبهـا الله جمـال الـعـذارىيرغب بها العانى ويسعد بها الجـار

ياخوك جدتـت الجـروح البـوارىوهيضت مفجوع الضماير بالاشعار

وخليت معلـول بـه الهـم جـارىيذرف من عيون العنا دمعها الحـار

طيبـن لنـا يالابسـات الخـزارىبظل الفهد زند الشدايـد ايـا ثـار

سلام منى لك ومـن كـان قـارىياصاحب هلت دموعه علـى الـدار

وصلاة ربى عـد هـب الـذوارىعلـى نبـى لا متـه شافـه بـار




الشاعر ( احمد صالح القريشى )

--------------------------------------------------------------------------------



يقول من للشعـر يبـدع ويختـار
يصوغ من زين المعانـى دورهـا

الحمد للمنعم توالـت علـى الـدار
سحب على حايـل تهامـا مطرهـا

وسميته تجلا عن النفـس الاكـدار
عسى رضا المولى السبب فى قدرها

زانت بها الوديان من بعد الاقفـار
وسهولها والسفح مـن منحدرهـا

اضحت كما زل بردهـات الاخيـار
ارض العروس وخير ربى غمرهـا

حتى الجبال السـود تزهـا بنـوار
تغيـرت فيهـا ملامـح صـورهـا

فى كل شبر تختلـط كـل الاشجـار
ماتخطى العنبيـن باهـى خضرهـا

شيح وجهق وعبيثران مع اصفـار
والاقحوان اللـى عجـب زهرهـا

ريح النفل مثل القمارى على النـار
والا الخزامى تبهـج الـى نظرهـا

الطلح ظله وارف عقـب الاخضـار
مثل الضباب وجل من هـو بذرهـا

تصدح بريضانه بالاصوات الاطيـار
معازف الاغصان تضـرب وترهـا

خذالهـا راع الغنـم ورد واصـدار
وانعم وزانت عقب قاسـى دهرهـا

ولقى عليها من بعيـدات الاقطـار
اذواد والرعيـان تمشـى باثرهـا

حمر ووضح وملح خلفات وابكـار
ارض مرا والعشب عانق شجرهـا

الزينه اللـى مبدعـه وال الاقـدار
كسابهـا حايـل مصـرف دهرهـا

شفنا عجايبها وشـىء بهـا صـار
مـن جيلنـا والله مااحـد خبرهـا

فقعغ وجراد وبقل والسمن بجـرار
وكـل بتقلـط البـن زاد وراهــا

ياسعد من هاجر عن السوق والدار
واخـذ اجـا والمشاعـل بتـرهـا

واخذ نعيميـات للضيـف والجـار
ورغايث تمـلا المـراوى دروهـا

ومشولت يجمع طويليـن الاشبـار
رفاقـه تعجبـك كامـل سيـرهـا

الله يحيهـم علـى بـن وابـهـار
وسوالف يطرب لها مـن حضرهـا

وعلى ضفاف المشط شب لنا نـار
لا يبعـد طنجـه وزاخـر بحرهـا

وعام عسى المولى يعيدة على الدار
الالف واربع مـع ثلاثـه عشرهـا

ايضـا يعـم الخيـر كـل الاقطـار
بالامـن والاشـرار ربـى دحرهـا

الحمـد لله عـد مـاهـل مـطـار
ماخاب من نعمـه وليـه شكرهـا




الشاعر( حمود الفداع )

البقل = الاقط
بتقليط = بتقديم
ارها= زاد واكثر
رغابث= اى نعاج او ماعز فيها حليب
المراوى=مرواة وهو اناء يجلب فيه الماء
مثلولث=بيت الشَعر ذو ثلاث اعمدة
المشط= وادى معروف جنوب حايل

--------------------------------------------------------------------------------




عاشت يمين اللى نظم شعرة اقرار
بالصدق والاخلاص ربى ومرهـا

فى مدح حايل واعساها للاعمـار
وانت بك الايمان نفسـك عمرهـا

مع الحميه والوفاء بعد الابصـار
عين حفيه منـك ثاقـب بصرهـا

فيك الهدايه والشهامـه والايثـار
ربك على شيطان نفسك نصرهـا

الله يسهل لـك دخـول ومعبـار
ويسعدك بالدارين حـل وسفرهـا

وحايل مريفه من عظيـم وقهـار
امطارها كانـت تجـارى نهرهـا

السيـل بالديـرة والبـر هـدار
حتى الطبيعه فى جماله سحرهـا

وهى ترجـى واحتياجتهـا كثـار
عشر نقاط وافـى مـن قطرهـا

متوقعه للخير فى كـل مضمـار
تامل مشاريـع تغطـى هجرهـا

تبى القرى كله تسفلت بـالادوار
والكهرباء تاصـل لنائـى هرهـا

ايضا وخط من جبل طـى ينـدار
للجوف مع رمل النفود ووعرهـا

وخط الى رفحا يكثر فيـه القـار
تاصل معه لو غاب عنك قمرهـا

وخط القصيم المزودج ياصل عيار
ياتى سهـال السعيـرة محرهـا

ومن المدينـه باتجاهيـن عبـار
من راد مكه فى سهولـه نحرهـا

وعيون للصحـه تطلـع بمنظـار
مستشفيين متخصصـه ننتظرهـا

وماء محلى لـو يشحـن الابـار
مع جامعه لكم اجرها مع فخرهـا

ومجارى تاتى طلـوع ومحـدار
لصحه البيئـه ويذهـب خطرهـا

لاهل البلد واللى على الدرب مرار
وناس تسيح عانيه مـن ديرهـا

وحكامنا العـز المياميـن سهـار
وحايل وغيرة كل خيـر عمرهـا

الخير جارى لكن الودق مـدرار
حتـى تكمـل للمـدن ماقصرهـا




الشاعر ( حمود الفداع )

--------------------------------------------------------------------------------




يازين حايـل والجبـال المطلـه
ويازين اهلها بالكـرم والطبيعـه

رجالهم قولـه هـلا عـادة لـه
وقوله تفضل والمجالس وسيعـه

من زار حايـل يرغبـه مايملـه
حايل عروس للشمـال وبديعـه

بجبال طى والكـرم فـى سجلـه
من دور حاتم والليـال المجيعـه

نحب حايل من طبيعـه هـل لـه
ومن سب حايل يامـلا مانطيعـه

عسى مراهيش السحايـب تعلـه
ويخضر جنابه ويتزايـد ربيعـه

بجهود ملكنا نالـت الخيـر كلـه
ونفوس اهلها بالمعـزة رفيعـه

حصلت لابن عبدالعزيز وحصل له
قواد سرب الموت يوم الوديعـه

واللى نوانـا بسـو ربـى يذلـه
كيـد بصـدرة بالزهايـد نبيعـه

وكل على ماضيه خيـار الادلـه
وفهد طبيب اهل القلوب الوجيعه

ياسم على كبـدة سـواة الاهلـه
ويرجع ذليل راضـى بالهزيعـه

ويالله اللـى كـل كايـد تحـلـه
تحفـظ لنـا حكامنـا والشريعـه




الشاعر ( غريب بن فهيد الحربى )

--------------------------------------------------------------------------------




احب حايل حب ماهـو طبيعـى
حب مع الايـام يكبـر مجالـه

احبها من يوم سنـى رضيعـى
واليوم بعض السود بيض بداله

فى حسنها الفتان وصفى يضيعى
الله عليها يـوم يـرزم خيالـه

والبرق وسط الغيم يلمع لميعـى
من فوق هامتها وعالى جبالـه

وقام المطر يمكر بجـو ربيعـى
وطاب التمشى فى رقايق ليالـه

ياسرك منظرها بشكل فضيعـى
مثل العروسه فى بدايـه ليالـه

خص ليا نطيت فـوق الرفيعـى
وشفيت فنجال الضحى والبيالـه

وخذت لك سجات مع كل ريعـى
بارض حباة الله وكمـل جمالـه

من فوق جيب لا نهمته سريعى
دايم مع الفرجه خفيـف ظلالـه

وخاويت لك طيب وباله وسيعى
ماهو بخيل ولا يعـرف النغالـه

مع خوته تنسى عيالك جميعـى
يازين لا سولف ويازيـن بالـه

هذا منى قلبى وسومى وبيعـى
قبـل المنايـا ماتحقـق منالـه




الشاعر ( عبدالعزيز بن طلال الصقيرى )

--------------------------------------------------------------------------------





ياحمود يامشاكى ياحمود ياحمـود
عساك يالقرم الشجـاع متعافـى

واعينى اللى كن بها ملح بـارود
لو انجضع يومين مانـى بغافـى

شفى على دار بها الجود ماجـود
اللى لها جو مـن العـج صافـى

والله ياشوفـه جبالهـا كالسـود
انه ربيع القلـب ماعنـك خافـى

سلمى واجا ماهن حنيظل وابا لدود
اللى بهن من غرس فج الخوافـى




الشاعر(فهد الازيمع)

--------------------------------------------------------------------------------




النـاس للمربـى يقولـون قتـال
شككت فيه وصدقوا لـى عيالـى

عافوا جبل حائل لهم فى وظـلال
والما الى شربوا اقـراح زلالـى

الجو الصافى مثل ماراعيـه قـال
حصوة كما الجوهر بالاثمان غالى

راحوا لدار عجهـا يشـدة البـال
حديثـه بنيـت بـروس المفالـى

فيها مرض ماهو مرض جلد سلال
وجرح بصندوق المعاليـق كالـى

لولا هله غاليـن بعنـاة ياعيـال
القى وهى تلقـى رجـال بدالـى

قيصومه حرة الى جا اشهب اللال
ينجض سنا فوحه جنوب الجمالى

ماها من ابن حميد والصاع بريال
ولولا الحكومه تدفعه قلت غالـى

واللى يبى يكسر من البن فنجـال
عليه مايصلـح يجيـب السهالـى

والخبر مايلقى على كل ابو حـال
تخيروها من عـروس الشمالـى

حايل مدينه حاتم الطـى يارجـال
كد عاش بين مشمرخات الجبالـى

رجل ذبح فيها جـوادة ولاسـال
للضيف بارضه يوم عسر الليالـى




هذى قصيدة للشاعر (فهد الازيمع)
يروى فيها ماللمربى من جاذبيه
وشغف وكيف ان ابناءة تعلقوا
فى مرباهم فى القيصومه.
وعارضوا رغبه والدهم فى مرباة
فى حايل.

--------------------------------------------------------------------------------




يامحلا القيـلات باكتـاف حايـل
بظلال طلـح والمكيـف طبيعـى

باكتاف حايل والجبـال الهوايـل
اللى كما الجواهر حصى كل ريعى

لا صرت بين اللغف وام المسايل
جليسك السبهـان والا القويعـى

بديار شمـر كاسبيـن النفايـل
اللى لهم عصم الشوارب تطيعـى

باجاء وسلمى مكرمين السبايـل
امجادهم من قبل دور الدريعـى

اللى حموها بالسيوف الصقايـل
غلبا هل الطولات واهل الصنيعى

اهل الجبل وافيـن ياكـال كايـل
ولولا الثناء كان القدايم تضيعـى

مافيه شك ولابـى قـول قايـل
وحشى معشى الذيب فعله يضيعى

وراعى جفيفا من خيار الدلايـل
وغضبان والمجفى وولد القفعـى

وياما و ياما لو نعـد الفضايـل
مايحصى الكتاب لها والمذيعـى

وادخل على الله مانسب القبايـل
مار ان شمر لى ربوع وذريعـى

مناثر البـن الحمـر كالنشايـل
عند البيوت اللى قراهم سريعـى

اهل المناوخ بالسنين السحايـل
ترفع لهم بيض بصـوة رفيعـى

وصلاة ربى عدد ماقـال قايـل
على النبى الهاشمـى الشفيعـى




الشاعر( عبدالمحسن الحمود الهذيلى)

الرحلات : النزهات
اللغف: مكان حول النفود
ام المسايل: مكان فى جبل اجا

--------------------------------------------------------------------------------




اخيل براق وانا بابـرق الجـوف
مزن تحدر شـاق عينـى بروقـه

برقه على حد الوطا يسرق الشوف
ينشال قلبى يوم اناظـر شعوقـه

اخيل برقه من ركان الـى نـوف
وعسى على منزل ربوعى حقوقه

عساة وسم يتبع الوسم بصيـوف
حتى هشيم القشع تبرض عنوقـه

ودى بشوفه ماطر مـار مكتـوب
تكتيـف طيـر خادميـن سبوقـه

علمى بها من قبل مانطرى الحوف
واليوم يافهـاد رشفـت مروقـه

هذا زمان ياهلى مثـل ماتشـوف
مـن رقـع الدنيـا تبـذة فتوقـه




الشاعر /
سليمان بن زيد بن خلف بن رشدان بن خميس
(يرحمه الله ) كان فى مهمه فى الجوف عندما
كانت خاضعه لحكم ال رشيد فنظر الى البرق
يلعج فى الجنوب من مكانه فتهيض
وقال ماسبق من ابيات

--------------------------------------------------------------------------------




روحـى بحايـل ماتفـارق جبلـهـاحبى لها عيا علـى كـل الاوصـاف

افـرش حصاهـا واتوسـد سهلهـاوارقد بحضن جبال سلمـى ولااخـاف

اسمـح وارضيهـا وادارى زعلـهـاواشتاق له شوق الطنايـا للاضيـاف

او شوق سمر جبـال حائـل لاهلهـاوجاوزت من حبى لها حد الاسـراف

وعينى باجا ماتسمـع اللـى عذلهـاوخشوم سلمى مثل شذرات الاسيـاف

قصه غـرام ، تـراب حايـل نلقهـاتحكى على التالين من مضاى الاسلاف

اجـا تهضـم عبـرتـه واحتملـهـاولاهى بعادة عبـرة الحـر تنشـاف

وحول على سمـر الجبـال ونزلهـاعن دار ذل عقب ماشـاف ماعـاف

وسلمى تغنـى لـه قصايـد غزلهـاعلى الوفا والود وسلـوم الاشـراف

وحاتم زرع عود السخا فـى جبلهـاواواقد بشامخ ضلعها نـار الاضيـاف

وعنتر علـى عبلـه ركابـه عقلهـاوشاروا عليه عيال عبلـه بالانكـاف

دار بهـا الشلقـان صاغـوا مثلهـاخويهم شالـوة مـن فـوق الاكتـاف

وقصه معشى الذيـب محـد جهلهـايامن يعد الذيب من عرض الاضيـاف

وراع اللبـون اللـى علينـا نزلهـاترعـى لبونـه بالقريـه والاكنـاف

مالـوم مـن روحـه لحايـل بذلهـاوارخص لها قلب مـن الـود ينـلاف




هذى قصيدة قالها شاعر امتطى صهوة الكلمه
تجلت عواطفه واحاسيسه فعبر عن حبه ووفاءة
لموطنه حايل فى عرض رائع
يدل على عمقه
فى التفكير وقدرته على تجسيد
العواطف الى انغام

الشاعر ( احمد بن فهد العلى العريفى )

--------------------------------------------------------------------------------




حايل سقاك السيـل غيـث همالـىيهمل على السمراء وعيرف وصديان

برقه تـلالا مـن جنـوب وشمالـىياعل ماطـر ديمتـه فـوق بـرزان

فى وسط سوقك ياعروس الشمالـىيقيض على واديك بستـان بستـان

واد الاديـرع لارتـوت بـه فعالـىوالعش والمسمى الى شعب عفنـان

غى فيـه شـرق الاحيمـر عيالـىترقد على سفحه سواليـف فرسـان

هـذى مغيضـه والزبـارة تلالـىوهذيك عقدة والوسيطا لهـا شـان

وهذا مشـار المنتـزة بـه مثالـىوهذى الرعيله صيتها بالذكـر كـان

يازين مخـلاف علـى شـف بالـىيم النهايـد لامتلـت فيـه غـدران

يازينهـا مابيـن قـاعـد جبـالـىعكاش ياطب مـع مليحـه وركـان

قارح معـه جانيـن بالحيـل غالـىاذا ارهر الحوذان فـوق ام غبـران

ياعزوتـى ياباهـيـه بالجمـالـىيادرة الاوطـان تباهـى بالاوطـان

ياديـرة منزالهـا طــى عـالـىانا اشهد انـك للكـرم دوم عنـوان

عبدالعزيـز اللـى كساهـا دلالـىيوم ادلقت له سورها طـف بيبـان

يستاهلـك مقـول بـالاول والتالـىمن نسل ابو تركى ثرى ذرب الايمان

ياعزوتـى ياطربـتـى ياحـلالـىياحايـل التحنـان قلبـى معـك لان

يالايمـى فـى حـب حايـل ترالـىفى شوق حايل عزوة شوقهـم بـان

اسرح مع الهاجوس وارسم خيالـىواكتب لها فى دفتر الشوق عنـوان




الشاعر( حمد الدعيج )

--------------------------------------------------------------------------------




مثل الذهب مهما علا فوقها غباريبقى مدى الايـام سلعـه ثمينـه

ومثل المطر مهما المطر هل مدرارلو غاب صاحـوا النـاس وينـه

ومثل البحر غلطان من قال غـدارموجه يساوى لكل طيـر وسفينـه

ومثل اشتياق الام اشتـاق للـدارشوق العمى للشوف بصبى عينـه

دار سكن فيها السناعيس تنـزارغصب على اللى جاحد فى حنينـه

دار الشرف والجود دار للاخيـارمشاعرى وان جت اعبـر دفينـه

للضيف فيها قدر وحقوق للجـارماحد ينام ونفـس جـارة حزينـه

اقولها ولو زرت انا كل الاقطـارحايل مـع الايـام يـزداد زينـه




الشاعر ( عثمان المجراد)

--------------------------------------------------------------------------------




حايل ومن سماك حايـل يحلـهربى من ذنوبه ويحسن جـوارة

حايل زمت من فوق سلمى مطلهبسفوح اجـا اشبهـه بالمنـارة

حايل يحيل الماء بجالـه وظلـهيطفى هجير القيض لوبه حـرارة

حايـل لهـا درب كريـم يدلـهمن يعشق الطولات سهل مسارة

حايل خلوج والحيا مرتبـع لـهوتسقى عياله من ثمرها خيـارة

حايل لاذكرت فـلا مـن يملـهطاريك يادار الهنـا والطهـارة

حايل سهلها والجبـل شاهدلـهبالطيب والنخوة سقى الله ديـارة

حايل شهد لها مغترب عانى لـهحتى الهوى فيها قليـل غبـارة

حايل ومن جاله يـزورة يعلـهيلقى بها طبع السخاء والظفـارة

حايل وسبحانه الهى جعـل لـهحـب بقلبـى مايهـدم جـدارة

حايل عسى الوابل مديـم يبلـهزهر النفل يخلط بياضه صفـارة

حايل بها الغالين والحـب كلـهيسكن بجنب السور شرق الزبارة

حايل غدت مثل العواصم بدلهتزهى مع الخفرات زين وتضارة

حايل تزين الزين والزيـن كلـهوكلما اندفع بالزين ماهو خسارة




الشاعر(محمد العلى الجارالله)
هاهو افاض بالقصيدة مشاعرة
واحاسيسه وهذة صفات الوفاء
للاوطان ومراتع الصبا..

--------------------------------------------------------------------------------





أي بلاد بيـن سلمـى والجبـلفيها عذب المى والجو اللطيـف

بالشتاء والقيض جـوة معتـدلتقل فى لبنان فى وقت المصيـف

ريحه اسواقه مثل ريحـه النفـلياعساها السيل من وسم وصيف

من سكن فيها ومن جاها عجـليمدحه لو هو شريف او طريـف

اتمنـى والتمـنـى ماحـصـلمن سكن حايل قريب من الوليف

جلسه الخـلان بظـلال النخـلخير من قصر على جال الرصيف

بين حور العين وابيـات الغـزلوالعيون السود والـدم الخفيـف




الشاعر(عبدالعزيز عبدالله الجريفانى)
شاعر الجبلين له قصائد عديدة يصف
فيها حايل وشعابها ووهادها وجبالها
وهضابها ، فكان عاشقا مخلصا
لحايل صادق الود وله نكهه خاصه
فى شعرة ..



منقول