يانايف !!

[شيخ الشيوخـ]

نايف تراحيب !

دوك هذا اللي يعذرني منك ومن شرواك


[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
سحم الذيابه يلجلج بإذني عواها= واليا عوت تخترش .. مليون جنيّه !
والذيب جنيّته روّح وخلاها = محدٍ عرف نيّته والنيّه النيّه
عزاه ياعيني اللي سهرها اشقاها= الله يرحمك ..يالعين الشقاويه
بين القضيه ومبداها ومنهاها= اقحمت نفسي وانا ( لالي ولاليه )
يانايف النفس وان جت لك من اقصاها= اعرف ترا اوضاعها ماهي طبيعيه
لو كان مابيّنت للناس شكواها= وخلت مواضيعها فالصدر مخفيه
لاكنها ضيقة صاحبك غناها= ولاهي من الحان /روتانا خليجية
قدام هالناس لاتبحث خفاياها= احسب حساب التحسس .. والحساسيه
ومادامها جات والله ما اتعداها= تعال نشرح قضيتنا السياسيه!
علمني الناس... كيف نحقق رضاها != ولاهيب لاراضيه / ولاهيب مرضيه
ياصاح نظراتهم والله ما اقواها= وفالقب موليّه / وفالعين موليّه
الروح بالطيب تامرها وتنهاها = لاكنها حاجةٍ ماهيب في يديّه
واليوم ابشرك علّتنا عرفناها = وتم اتخاذ الحلول الدبلوماسيّه !
مابذ الاشعار غير اللي تبلاها= ولابذ (قوات الامن) الا (الحراميه)
وجهة نظر صايبه / لاكن صرفناها = من كثر الإحباط .. لو روحي رياضيّه
واليوم انا انحيت والضيقه تغشاها= وانت اعتبرها / اجازه اضطراريه
حقي وانا استاهله نفسي وماجاها= من يلمس النار لازم يونس الكيّه
لوحملونا غثا بقعا حملناها = والله غفورٍ رحيم ... ويدمح السيّه
[/poem]


وسلامتكم !!