بالله يالحربي لاتنبش عن الجرح ...

[البارع]

بسم الله الرحمن الرحيم
جديدي اتمنى ان تحوز على رضااااكم ...

صوت وصدى بيني وبين عبدالرحمن الفريدي ,,,

صوتي :
[poem=font="simplified arabic,5,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
بالله يالحربي لاتنبش عن الجرح=ولاتنشدالمجروح سبة جروحه
صاحبك صابه من رماح الهوى رمح=فج الضلوع وصارفالدم فوحه
وانااحسبني قبلهامااعشق الوضح=واثره جرفني يمها بس شوحه
من عينها اللي لانوت فالبشرذبح=اغضت برمشٍ ماتخبى وضوحه
هي رسمت الفنان لامن بغى الربح=ربحه لاحط اوصافها وسط لوحه
واليابغيت ازيد فالوصف والشرح= لفح الهوى للعود ورده في دوحه
لاتحسبن السالفه مزح في مزح=العلم صدق ولاتمنيت بوحه
الابعد وصل الخبر حزة الصبح=من وسط ظرفن فيه يكتب شروحه
باسمه يخاطبني ويكثر من المدح=والخط خطه مير مالروح روحه
مضمون ماوكدت ماجاب من طرح=يبغا العذر من ريبغى السموحه
مدري عن اطروق الهوى خاطره سمح=والا عنه عزل بتوبه نصوحه
مير الوكاد ان الفكر سبته سرح=اليا ذكرت اني ابا افقد امزوحه
وان الليال الاوله روحت ملح=وشلون يقطع وصل روحي وروحه
كنك تجر الشوك فالقلب والطلح= من يوم قرر عن طريقي جنوحه
عجل علي الراي يالصاحب الفلح=قدام طير الورق يسجع بنوحه
يالشاعراللي لاقدح للشعرقدح = الشعر من قدحه يحقق طموحه

[/poem]


صدى عبدالرحمن الفريدي :

[poem=font="simplified arabic,5,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
هلا هلا باللي قصيده على الشبح= حرن علا بالجال يرقب سفوحه
يرصد سمان الصيد لاشعشع الصبح= ندر جفول الذايرات الطموحه
ماغازلن غيره عن افكارهم طمح=جتله اعنايه لم فكره نزوحه
ياليت ليه مانوى فيهن السمح=فجرر همومن وسط صدري تكوحه
اردهن واليوم جن يجمحن جمح=اليا دلهت بصبح ليلي تدوحه
شاقي وباقي بالهوى والغلا دمح=الحب ساسه ينبني بالسموحه
هي امنيه عقب البطا لوتجي لمح=غايب زعل ماعاد من عقب روحه
خذها عبر كفك توسط من الرمح=قبل ايتتقى الريم مبعد اشبوحه
سلملها ياصاحبي واقبل الصلح=ضم الغضي لسمك وترتاح روحه
اطرق عليهم بابهم واطلب الربح=دربن يرد اللوم ويكف نوحه
موضوعكم قسمه ولايقبل الطرح=الحل جذري كان تطلب شروحه
للحر نوجزها كذا مايبي شرح= معروف يفهم وجهتي من وضوحه
[/poem]