درة بحر-للشاعر الكبير حبيب العازمي

[وليد الزراقي]

[poem=font="Simplified Arabic,4,gray,normal,normal" bkcolor="transparent" bkimage="backgrounds/17.gif" border="none,4,gray" type=0 line=0 align=center use=ex num="0,black"]
المزنه اللي وجهها ابيض من الشاش
والبرق فيها مـن جميـع النواحـي
لو ماسقا الظميان من وبلها رشـاش
لاشاف بارقها العطش عنـه راحـي
الله يجنبهـا عـن الخبـل والـلاش
يكود شوفـه برقهـا يـوم لاحـي
ماشوف بالعينين مسمـوح وابـلاش
والمشي جايز في الطريق المباحـي
واللي يطمن هامة الـراس ماعـاش
وان عاش حبرٍ فوق قرطاس ماحـي
محدٍ يقول لموفـي الكيـل غشـاش
ولحدٍ يقول لفاقـد العقـل صاحـي
وانا الذي من دوش الايـام منـداش
ابستريح وخاطـري مـاأ ستراحـي
كيف أستريح وعبرتي تحرق الجاش
والصبـر ماباقـي لـه الا جناحـي
اي والله اني ماتوجـد علـى مـاش
وجدي زعيم الوجد والسـد باحـي
سبحت غبات البحر والبحـر طـاش
وشفت الصعوبه في المجي والمراحي
ولقيت لـي درة بحـر دون تنـاش
كم واحدٍ مـن دونهـا قـام طاحـي
وانا ملوم اللي عن البحـر ينحـاش
الـوم مـن لايعـرف انـه ملاحـي
والدره اللي مثلهـا بيـن الارمـاش
من قال عنها قلـت عنهـا يلاحـي
روحي ثمنها وأدفعه فالطلب كـاش
وأن مت منهـا ماطلبـت السماحـي [/poem]




الشاعر / حبيب العازمي