دخيل الورد لا منّه تمايل عكس وجه الريـح

[نوف]

[align=center]


[poem=font="Simplified Arabic,4,red,normal,normal" bkcolor="transparent" bkimage="backgrounds/1.gif" border="none,4,gray" type=0 line=0 align=center use=ex num="0,black"]
تهيا يالندى وانثر خجـل وجـه السحـاب وطيـح
على صـدر الـورود اللـي تسائـل النـدى وينـه

وزج بعالـم الفجـر السعـاده فـي لقائـك زيـح
رتابـة موقـف(ن) طـال الجفـا ياقسـوة سنينـه

دخيلك يالندى دوبـك علـى مهلـك بـلا تجريـح
لأن الورد مـن وصـف الحبيبـه ماخـذ(ن) زينـه

ومن قدك على هونك .... تناثر وامتـزج بالشيـح
واخذ عطر الزهـر وانثـر حنانـك فـي بساتينـه

سرجت الفكـر واطلقـت العنـان بجملـة التسبيـح
دعيـت الله سبحانـه ...يثبتنـي عـلـى ديـنـه

وانا متأمـل وجالـس أراقـب مـن بـدا التلويـح
من اللي لهفتـه أقـوى ودمعـه هـل مـن عينـه

تخيلتـك قـدم عينـي هـلا يامهرتـي واصـيـح
تأخرتي .... تأخرتـي .... وعدنـا كيـف تنسينـه

بعد جيتي ...اذا ممكن .... بصدري باقي(ن) تصريح
قويتي قلبي المغرم .......... كيف الورد تقوينـه؟؟

دخيل الورد لا منّه تمايل عكس وجه الريـح ..!!!!
يذوب وينحني ...مدري ..يشمـك أو تشمينـه؟؟؟؟

تمنى يلفت أنظـارك ...تعـب مـن كثـرة التلميـح
تهـادى وارتـمـى ذاب بجمـالـك لا تلوميـنـه

وداعك يالندى ..... مدري لقائك ...زادني تجريـح
ولأن الشـوق مايرحـم ... خفوقـي حـل تأبينـه [/poem]

مطلق ابو ظهير

[/align]