شكــراًܓܨ

[ريم العتيبي]

شكراً على ماصار عـآآدي ولا أقـول
غير ان بعض التضحيه مثل الأمـواس

تجرح ضمير ٍ عـفْ وتحيّـر أعقـول
وتقتل رجاوي روح وتشـرّع اليـآس

لا حول من بعض المخاليـق لا حـول
يميل فكـره كـل مـا هـب نسنـاس

مايوزن أعقول البشر عقـل مشلـول
ولا يقدّر الأحساس خالي من أحساس

الواقع أصبح شئ مرعـب ومجهـول
والباب دونه قفـل محكـم وحـرّاس

ضحيت بأخلاصي وطيبي على آصول
ولقيت قدامـي مصاقيـل واضـراس

كذا يهون الطيـب والطهـر معقـول
وأنا حسبتك غير عـن كـل هالنـاس

يعني عشان الحُب تجرح علـى طـول
والا عشانـك ملهـم لكـل هوجـاس

لا باس ياقلبٍ مـن الجـرح مذهـول
وعن ماجرى لك من هل الطعن لا بآس

ماعاد فيها حسبة العـرض والطـول
الصمت..\ في بعض المواقيف نوماس

لا صار بذلـي بيـن اياديـه مقتـول
أكليب ذاق الغدر من رمـح جسّـاس

أمـرّ شـي ٍ يذبـح الـروح ويهـول
أنـك تمـد ألمـاس وتكافـأ أنحـاس

و

شكـــراً على ماصار عآآآآآآآآآدي وأنا اقول

.................... ( آآمنت بــ أن الجرح أوفى من الناس * )
.................... ( آآمنت بــ أن الجرح أوفى من الناس * )
.................... ( آآمنت بــ أن الجرح أوفى من الناس * )

ممآرآق لـ ي