قصيدة في الشبخ / متعب ذعار القبع العازمي العتيبي

[مخلد بن ماشع]

بسم الله الرحمن الرحيم

:: قصيدة في الشيخ / متعب ذعار القبع العازمي العتيبي ::
بعد تعيينه خلفاً لوالده يرحمه الله شيخاً للقبيله



القـبع اخذها بسـمن وحـاز مجـدٍ مجــيد *** وقبيلـته عـز راسـه مالحــقهم مـــلآم

لو جيت اشارك واهني مـاش علمٍ جـــــــديد *** امارة القبــع من ميــة وخمســــــــين عــام

ما اقول غير الف مبـروك وعســـــاها تزيد *** حيــــث انها مــن بدايتها مافـيــــــــها حـرام
عمر بناها بمجهـــوده ورايه ســـــــــديـــــد *** راعي شــــداد قديم ومنــــــــزله بالــــــسنام
امارةٍ ساسها ســـاسٍ عزيز وجـــــــــــويــد *** تبقى عــزيزة واهــلها جـــــارهم مايــــضام
يوم ان ابـــوها رحل مانام عنها الحفيـــــــد *** ولا نام شبــــــــل الحفــــيد وحـظها ماينـــام
القبع تعرف فعـــــــوله بالزمان العــــــــنيد *** يوم انحــــــلال النظام وقبـــل حكـــم الامــام
وبعد حكمها معـــــزي دون شـرطٍ وقيـــــــد *** ساهم بخدمة بـــــــلاده واعــــتدال الــــنظام
الحــر مثله يصـــــــــيد الطيبات ويفـــــــــيد *** يفيد ربعه وستـــــــــر مرودعات الوشــــــام
القبـع عنده شجـــاعة خـــالد بن الــوليـــــد *** بالمرهفات الحـــــــــداد اللي تقــص العـظام
خناجر المــــــــوت وردها لحبل الـــــــوريد *** والاشقر اللي يـــــــثور من الفشق والحزام
القبــع عنده كـــرم حــــــاتم كـــرم مايبــــيد *** منــــــــاسفٍ فــوقها اذناب الــهرافى ايــدام
يمد من مايجـــــــود ولايـمـــد الــزهــــــــيد *** وامـــارته ثابته فـي حـــــــــرب والا ســـلام
كل المــــــراجل جمعها تحت كــمه رصـــيد *** جاهد وحـــــافظ على دينـه وصـــلى وصــام
لو اني املأ الجـــــــرايد والدفـــاتر قصـــيد *** ما احصى فـــعايل عمر عسى عـمر للرحام
امارته ساسها اقوى من الــــحجر والحديد *** ومادام حــــــيٍ قبع يحــرم عـليها الهـــــدام
ارجي مــن الله عسى من مات منهم شهيد *** والـــحي يبقى مـكرم في مقــــــــام الكـــرام
مشعل لكل الوطن والدين ذكرآه عيد *** نفخر بفعله وفعله للسعودي وسآم
شهيد مكه وطيبه ما نعده فقيد *** عسآه في جنة الفردوس باعلى مقآم

:: الشاعر : تراحيب بن سويلم العتيبي ::