مساجله بيني وبين الطريفي

[متعب بن طواله]

اخواني قراءوزوار هذا الصرح المهيب والشامخ


لقدر ارسلي رساله الاخ دبشي عبيد الطريفي وفيها ابيات والحقيقه ان هذا الرجل له عندي مقدار



وحشمه لما اعرفه عنه من خصائص حميده صراحه ان هذا الرجل رغم ضروفه المتواضعه



الا انه ياقف وقت الشدائد مواقف العضام انه من الذين يندر وجودهم هذه الايام ووالده عبيد الطريفي من الرجال القدماء وكان والدي رحمة الله عليه يثني عليهم ويعزهم ويقدرهم لصفاتهم الحميده ورجولتهم الفذه




ولقد ارسل لي هذه القصيده لي بالجوال ورديت عليه واليكم القصائد فرقت بنيهم في التنسيق

وجمعتهم في لوحه واحده من اجل الجماليه












[frame="1 80"]

[frame="2 80"]

[poem=font="simplified arabic,7,white,normal,normal" bkcolor="seagreen" bkimage="" border="double,10,seagreen" type=2 line=0 align=center use=ex num="0,black""]
ياراكب اللي لانويت وتنويت= يقطع جراهيدن تعاوت ذيابه
عده لبو فارس زبونه الياالفيت= عقب الشيوخ اهل السطر والمهابه
يامتعب الفارس تراني تلزيت= الوقت يامتعب قظعني بنابه
ابوك هو شيخ السطر شايع الصيت= درع الظعيف اللي نصاه ولجابه
مواقفه دامة ولو شيخنا ميت= من هيبته كل القبايل تهابه
[/poem]

[poem=font="simplified arabic,7,white,normal,normal" bkcolor="seagreen" bkimage="" border="double,10,seagreen" type=2 line=0 align=center use=ex num="0,black""]
راكب اللي يوم للسلف دقيت= حس المراوح مثل حس الربابه
لامن نفض كل التغايير لابليت= ادلاي شيهان الجبل من هضابه
وليا انحدر ياناظر الحسد هبيت= وحيف معصيرن قفاه السحابه
لولا الحزام اللي يظبه على السيت= ان كان سواقه هبوبه غدابه
الجدي حطه في قفى البنزلااقفيت=وسهيل خله لاارتكز قدم كابه
المجمعه مره فقط كان عبيت= زيد الوقود اللي سريع اشتبابه
اقظب سريع المجمعه يوم مديت= اقفاي للعارض بلاد المهابه
والياوصلته شلت رجلك وهديت= نصه سكان اللي بيوته تشابه
واسلم وسلملي اليامنك الفيت= بيت الغلام اللي ينومس جنابه
راع العلوم اللي لها عندنا صيت= مواقفه فوق الغتر والعصابه
قله قبل تطفي ولا يطفي الليت= الوقت نشلع بمر مولاه نابه
وقله اليامنك قلطت وتقهويت = حنا لولد عبيد مثل الجلابه

له ماقفٍ مهما بذلت وتقصيت= يفرق مثل مايفرقون الصحابه
الطيب والهقوه اليامن تهقويت= دون الطريفي مايكمل نصابه



[/poem]
[/frame]
[/frame]

[/center]