يابنت
قصيده للشاعر مبارك بن شافي الهاجري
يابنت انــــا ماني مثل ماتظنــــين****اللي تهينينـــه ويرضى الاهـانـــــــه
انـــاعزيز ومن رجال عزيزيــــن****بيـــني وبيـــنك ماتطـــيح الميانـــــه
حتيش لو كثرتي الكحل في العين ****عندي من الكحل المطرف حصانـــه
تيهي عجب وارمي قلوب المحبين****لابـــد مـــاتلقـــين عــاشق زمانــــه
اللي يعدل غترتـــه في الدكاكيــــن****صاحب فلانـــه بنت عمة فلانـــــه
ماهو بانا اللي به تروحين وتجين****اللي عـــلوم المرجلـــه من لسانـــــه
انا حفظت الوجه من موقف الشين****صنتـــه من اسباب المذمه صيانــه
ماني باخون وجيه خطلان الايدين****المسلمـــين اهل الشـــرف والديانـــه
كيف امنك وانت لبيـــتك تخونـــين****انـــا اعتبــر تصــديق حبــك خيانـــه
| 
|
04-03-2006, 05:33 PM
المواضيع المتشابهه
العرض الشجري