يا خوخٍ ذايب في منقا .. ياموز بنكهة تفاح!

[اخر رجل]

يا خوخٍ ذايب فـي منقـا .. يامـوز بنكهـة تفـاح

إنتا كلك على بعضك لـك شكـل وطعـم الكوكتيـل

يا قشطه يمهلّبيّـه .. فيهـا عسـل مـاذي سـاح

مرشوشه بمكسّر فستـق .. مـن حلـوى أبونبيـل

ياحلقوم تركـي طـازه .. بغبـار السكَّـر مرتـاح

يا شيكٍ مفتوح باسمـي جاهـز مـا يقبـل تحويـل

يا وردٍ جـوري هولنـدي يِقطـف لعيـون السيـاح

يا عطر امركّـز فرنسـي مـن جفنشـي أو شانيـل

ياهيبة مرسدس ألمانـي مضمـون علـى المفتـاح

من موديل 2010 فـل أوبشـن بـوه رؤيـة ليـل

يا دهن العود الكمبـودي يـا ياقـوتٍ فـي مسبـاح

يا نغمه من عـود عراقـي تِعـزف بأوتـار الثقيـل

يا موّال حجـازي محـزن .. جـرّه طـلال المـداح

يـا قصيـدة حـب دامـي إلقـا عدنـان الدخـيـل

يا أطعم من طعـم الكـاري مـع رزّ عنبـر فـواح

ايقدّم فـي مطعـم هنـدي بزيـورخ وإلا فـي لِيـل

يا نسمة صيفٍ تنعشني سلْمَـتْ مـن نـار الريـاح

يا غيمة بيضا رويانة .. تبرق .. ترعد .. تمطر سيل

يا صوت القمري لا غـرّد وإلا الحمـام إلـى نـاح

يا ريح الجنة يا روحي مـن دون أسبـاب وتعليـل

حطّمت اليورو واليـن .. والـدلار بسعـرك طـاح

والمؤشر فـي منهاتـن بأسبابـك دحـدر بالحيـل

عتابـك لمـا يجينـي ويخـدّر قلبـي يـا صــاح

أحلى من شراب الفمتـو يـروي محـروق الغليـل

وأحلى من زقيط البرحـي لا جـا مـن يـدّ الفـلاح

وأكيَف من شاهي سيلاني .. وأعطر من خنين الهيل

وأحلى من ذكرى مضت لي بيـن الجامـع والمـلاح

يوم أيامي كله حلـوة .. مـا بـه حـزن وغرابيـل

من عقبك يا كـل أفراحـي داهمنـي جـو الأتـراح

أمسي وأصبح وأصبح وأمسـي بتهاويـل وتهاويـل

أنتي ظنّيتـي وظنونـك مـا بـه خيـر ولا صـلاح

حساب الماضي وشلك بوه .. شُبٍّي للحاضـر قنديـل

هدّمتي جسر المحبة .. وأطفيتـي نـور المصبـاح

ياالله تفرج لي من عندك .. قبل يقفي نجـم سهيـل

أرجو أن تنال رضاكم