ام العيـون اللـي هدبهـا مراهيـف

[نوف]

[align=center]

[poem=font="Simplified Arabic,4,red,normal,normal" bkcolor="transparent" bkimage="backgrounds/1.gif" border="none,4,gray" type=0 line=0 align=center use=ex num="0,black"]
الله يلـوم اللـي يلـوم الموالـيـف
لاجاءنهارآ فيـه شايـف ومشيـوف
وقتً يزين الجومـع باشـة الكيـف
وقت الملاقا لالتقـى كـل ملهـوف
صدفه لقيت اللي تفـوق التواصيـف
غروً تتل القلب مع بهجـة الشـوف
من غير موعد شفتها كنهـا الطيـف
في موقـفً مافيـه نـذلً وملقـوف
سجيت رجلي والمشاعـر ملاهيـف
اسابق اللهفـه قبـل حـزة الخـوف
متغانمـآ دق الخصـال المصاخيـف
اللي حلاهن يودع القلـب مشعـوف
عمهوجةً تشعى القلـوب المهاديـف
ريمً تقود البيض مزيونـة وصـوف
ام العيـون اللـي هدبهـا مراهيـف
سهم الغلا من عينها داخـل الجـوف
وخدودها اللـي ساطعـات مناجيـف
من تحت برقعها حلا الخد مشيـوف
وملحً كساها مثلهـا مابعـد شيـف
لاهي مثل موضي وغطت على نوف
شفت الحلا والزين من غير تزييـف
ماحطت المكيـاج ولاحنـت كفـوف
ولاهي من اللي هرجها فيـه تكليـف
تصنع الكلمـات والهـرج معـروف
السلعه اللـي ماتجيـب المحاسيـف
ربح المكاسب بسمها دوم مصـروف
لاوالله اغلى من بنـوك المصاريـف
درة بحر لولو والالمـاس مصفـوف
هي بسمة الفرحه وبردً عقب صيـف
وهي الربيع اللي به الورد مقطـوف
المهره اللي ماعسوفهـا المعاسيـف
تفرق عن اللي مع هل الخيل معسوف
موتً حمر من دونها يسحب السيـف
اطهر من الماء واسمها بربع حروف
كن الدلع فيهـا يعـزف المعازيـف
وفي مشيها طق الدلع سبعة دفـوف
هي مطلبي من غير كذبً وتحريـف
عشقتها والعشق ذا الوقت مكشـوف
الله يلـوم اللـي يلـوم الموالـيـف
لاجاء نهارً فيـه شايـف ومشيـوف
[/poem]سلطان ابو ثنين

[/align]