جــدي وابويـــه مارضــوا بالغبينــــه ...

[@ عتيـبـي نجــد @]

[frame="1 80"][poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]

الاخوه الكرام
كما وعدتكم مسبقاً
ان اسجل مردود الشاعر/ مطر بن محيديد الدلبحي
على هذه القصيده التي ارسلتها اليه :[/poem][/frame]
[frame="2 80"][poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=0 align=center use=sp num="0,black"]

يالله ياللي فوق عرشك تعليت = تلطف بحالي ياكريم وتعينه
من جلستي في داخل البيت مليت = كن الخفير الباب وانا سجينه
ايضيق صدري كل ماصبحت ومسيت = وعن مابقلبي مادروا عاذلينه
اليوم من عصر الحضاره تعنيت = ما عاد اميز بين زينه وشينه
عصراً يشتت شمل الاخوان تشتيت = عساه ماتبطي علينا سنينه
وقتي تردا بس انا ما ترديت = عزمي عواكيس الدهر ما تهينه
امشي على نهج العرب ما تعديت = وخليت سلم الغرب لمقلدينه
انا على حب البداوه تربيت = وقلبي على الماضي تزايد حنينه
ودي بروضً فيه ياما تمشيت = مليت من زحمة قصور المدينه
لاجيت في ريضان نجدً تعافيت = يجلى حزن نفساً من اول حزينه
والبل وشوف النار في ربعة البيت = امسودسن لـ اهل الكرم ناصبينه
يحرم عليه غيرها ما تمنيت = وعمر البنادم للفنا خابرينه
كتبت مافي داخل الصدر وابديت = وعسى مطر خطي يشوفه بعينه
هيّـض عليه منزلاً يوم مريت = كنا من اول يا مطر نازلينه
عنده وقفت وصافي الدمع هليت = والكف قمت اصفق يساره يمينه
ورحت اسألـــه ما شفت والا توحيت = اللي سكنك العـــام هالحين وينه
اتلا العهد به يوم قفـــا وقفيت = وحل الفـــراق وحال بينــي وبينـــــه
[/poem][/frame]
[frame="1 80"][poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=3 line=0 align=center use=sp num="0,black"]
وهذا مردود الشاعر / مطر الدلبحي
[/poem][/frame]
[frame="2 80"][poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=0 align=center use=sp num="0,black"]
يالله ياللي تعطي العبد ماشيت = اللطف بحال اللي رفعلك يدينه
حييت ياخط المشاهير حييت = خطاً وصلني باليدين الامينه
اعداد مازاروا على الضمّر البيت = لا جوه من قلع النيا قاصدينه
من شاعراً بين العرب ذاعله صيت = يشكي علي الوقت ومعاونينه
اجهدت في ردي عليه وتشافيت = اترك هزيل القاف واخذ سمينه
طبيت في بحر القصيد وتنقيت = شواردن مثل الجواهر ثمينه
مفزاع مني لرجال النعاتيت = اللي وسام المجد متوارثينه
ميزت فالايام واقبلت واقفيت = واشوف اخير من الجهاد السكينه
ماتضحك الا في وجيه الشفاليت = دنياك هاذي يالسنافي غبينه
اتعاند النعتوت وادلع الهيت = ادلعه وابن الحموله تهينه
تغيرت ثم استوت لسرابيت = والله يبض وجه من صان دينه
تبا الحقيقه مير لن رحت ون جيت = مال الفتى الا ماكتب في جبينه
هذا وانا من مر وقتي تقهويت = اخذت فنجال العنا من يمينه
وانا ادري انه فيه علقم وحلتيت = لكن انا للوقت عسره ولينه
ياما وياما شفت بالعين واغضيت = شياً قوي الصبر يظهر كنينه
وياما على زلة رفيقي تناسيت = كله على شان الحصون الحصينه
والا لياجت من عدوي تقاضيت = جدي وابويه مارضوا بالغبينه
[/poem][/frame]