ترعى بها الوضحا من الذود معطار &&

[فواز الشيباني]

هذه القصيده منقوله وهي للشاعر/
مقحم الصقري العنزي(رحمه الله)0

واتمنى انها تحوز على رضاكم/




يا الله يالمطلـوب يـا وال الاقـدار

**************إنـت الـذي مـدات جـودك لطيفـه

يا الله يالمعبود عـاون هـل الكـار

******************تحـل شـطـاتٍ عليـهـم كليـفـه

اللـي مجالسهـم بهـا بـن وبهـار

*****************ونجـرٍ يصـوّت للهجافـا رجيـفـه

مكـارمٍ للضيـف أصيـلات وكبـار

****************ومفطحـاتٍ فـي صحـونٍ نظيـفـه

يا مزنةٍ غـرّا مـن الوسـم مبـدار

*******************اللـي جذبنـا مـن بعـيـدٍ رفيـفـه

تومر على كـل المفالـي بالامطـار

*****************تصبـح بهـا خـدان ربعـي مريفـه

غب الحيا فاحت بها ريـح الازهـار

****************تخالـف بهـا النـوار مثـل القطيفـه

ترعـى بهـا قطعاننـا سـر جهـار

**************ترعـى زماليـق الفيـاض النظيفـه

قطعاننا يا مـا رعـن دمنـة الـدار

**************في ظـل مرويـن الغلـب والرهيفـه

ترعى بضف الغوش بقصاف الاعمار

*************تقطف زهر مرباعهـا مـع مصيفـه

فـي ضفّـة الله ثـم جبـرٍ جـبّـار

******************خيّـالـةٍ يــوم المـلاقـا عنيـفـه

ترعى بها الوضحا من الذود معطـار

****************غبوقـة الخطـار عـجـلٍ عطيـفـه

يبنـي عليهـا بنيـة اللُّبْـن لجـدار

*************عقب الضعـف راحـت ردومٍ منيفـه

ما هي حكايا مسردٍ عقـب مـا نـار

************اللي نكس واطـراف رمحـه نظيفـه

إن سوهجوا عنها قليليـن الابصـار

***********من دونها نـروي السيـوف الرهيفـه

الصبر مفتاح الفـرج عنـد الاذكـار

**********ومن لا صبر تصبح حوالـه iiكسيفـه

خطو الولد مثل البليهـي إليـا ثـار

************زودٍ على حملـه نقـل حمـل أليفـه

وخطو الولد يبهش على موتت النـار

***********مع العـرب يشبـه لخطـو الهديفـه

واليا بخصته ما سوى ربـع دينـار

*************صفـرٍ علـى عـودٍ تضبّـه iiكتيفـه

وخطو الولد يا مال قصاف الاعمـار

**************لا نـا فـعٍ نفسـه ولا منـه خيـفـه

وخطو الولد مثل النـداوي إلىطـار

**********صيـده سمـان ولا يصيـد الضعيفـه

حنا كما المشخص عن الصرف ما بار

**********بالـوزن يرجـح والمصـاري خفيفـه

ألا ومـع هـذا لـك الله لنـا كـار

***********عن جارنا مـا قـط نخفـي الطريفـه

حنا نرفـى زلّـة الجـار لـو بـار

*********نِضحـك حجاجـه بالعلـوم اللطيفـه

نرفى خمالـه رفيـة العـش بالغـار

*********ونودع لـه النفـس القويـه ضعيفـه

ولا نبدي الخافي إلى صار ما صـار

*********يفلج قصير البيـت لـو بـان حيفـه

أحدٍ علـى جـاره بختْـري ونـوّار

*******واحـدٍ علـى جـاره صفـاةٍ محيفـه

الجار لا بـدّه مقفـي عـن الجـار

*********كـلٍ بجيـرانـه يـعـد الوصيـفـه


نكرم سبال الضيـف حـقٍ وتعْبـار

*******لا مـن ولـد العفـن شـح برغيفـه


لا بدهـا ترجـع تواريـخ واذكـار
*****وتبقـى لدسميـن الشـوارب وظيفـه