مكان ومساحات

[هذاك انا]

للحب في قلبي مكان ومساحات
فاقد حنان ولا لقيت الوفيه

العب على المضمون واستبشر الات
واصبر على جور الرياح العتيه

شاعر واحب الشعر ومبدع عبارات
واحب نسمات الرياح العذيه

لاضقت من حالي وكثر الشكالات
ارفع يديني بالسماء هالسويه

واقول ياربي ترا الحال عثرات
تعبت من عثرات الزمان القويه

ماهمني ندر اللقاء والزيارات
ولا همني كثر الجروح النديه

اللي ابيها مثل كل الفتايات
لكن ابيها مخلصه وشاعريه

اتحبني من شان شخصي وللذات
ماهو عشان المغريات الدنيه

بقضي معاها العمر حزن ومسرات
ولعيونها برخص حياتي كذيه

من دون لا فكر ولا عمل حسابات
كذا ببساطه خذ حياتي عطيه

اثمن هديه بين كل الهديات
هديه" ترخص لأغلا هديه

وسلامتكم

بندر بن سعد الروقي