الصاحب الي عن رفيقه تخبا

[ظافر العتيبي]

السلام عليكم
مساكم وصباحكم فرح وسرور
متواضعه لرقي ذائقتكم اتمنى ان تحوز لوعلى القليل من استحسانكم
كما انها للتواصل بعد طول الانقطاع

[poem=font="simplified arabic,4,darkred,normal,normal" bkcolor="transparent" bkimage="" border="double,4,sienna" type=1 line=0 align=center use=ex num="0,black""]
مامن ورى الشوك المشربك عنبّا= والضبي مايلقى براسه عراميش
وارض السباخي لو بها الماء يصبّا= ماتمسك المويه ولا تنبت العيش
والصاحب الي عن رفيقه تخبّا= وقت الشدايد يختفي ياعرب.. ليش؟؟
تباً لرجلٍ يجحد الطيب تبّا= وتبت قلوب اهل القلوب المغاشيش
الي على الهزلات عاش وتربّا= ماينفعك لاقابل الجيش للجيش
لاتحتزم به فالمحن والكربّا= محزم ردا ماهوب محزم مداغيش
وشم الردا في جبهته ما تغبّا= مذخور من جدانه عماش وعميش
والي يعرض سمعته للمسبّا= ماهو محصل كلمة النعم لو ايش
ياطير يوم ان الفضاء لك رحبّا= خذني معك ياطير بالله على الريش
الارض فيها الحسد ياطير شبّا= وانا مع الحساد ياطير ماعيش
خذني لناسٍ عايشه بالمحبّا= ماعندهم مركز ونقطه وتفتيش
عاداتهم فيها المثل ينضربّا= ماعاشوا بحيله وخدعه وبخشيش
ياقلّهم بين العرب ياعربّا= يادووووب تلقاهم بروس المناقيش
[/poem]