ياقاضي العشاق ضاعت لي حقـوق

[نوف]

[align=center]


[poem=font="Simplified Arabic,4,red,normal,normal" bkcolor="transparent" bkimage="backgrounds/1.gif" border="none,4,gray" type=0 line=0 align=center use=ex num="0,black"]
ياذا المواجع تلتهب كلهـا حـروق= تلهب فؤادي والحطب من ضلوعـي
وأنا آتجلد وأرتجـي خلـي بـذوق= عله يعود حـان وقـت الرجوعـي
لاجيت أسامرها يجي زول ويعـوق= وأتقول لي لحظه وأنا أنطر أسبوعي
وأنا أتودد وهرجتي دايـم بشـوق= وقلبي ينادي ويرجي منها السموعي
لمن طرت لي خافقـي زاد بخفـوق= شبه البدر لكنهـا أكثـر سطوعـي
من حرفها قلبي تسايق لها سـوق= ومن حرفها حسيت أنا به خضوعي
ياكيف أبادلها سوالـف علـى روق= لاشك أنا أحبـه ولاهـو بطوعـي
ياقاضي العشاق ضاعت لي حقـوق= خلي يلوعنـي ولاهـو بشفوعـي
أمشي على رمضا تجافل بها النوق= وخلي خيامه واسعـات النطوعـي
فرشي الرمل ووسد الراس طابـوق= في راس رجم صعب فيه الطلوعـي
وأسامر القمرا وألحن لها طـروق= وأتل طاروقـي علـى كـل نوعـي
عسى الهبايب تنقل اللحن مرفـوق= معها التحايا لـه حبيبـي ويوعـي
وأشرح عذابي منـه لعلـه يفـوق= عله يغيـر فيـه ذيـك الطبوعـي
ما أظن قلبي من هواهـم بمعتـوق= ياما سهرت ونومتي علـى كوعـي
والجفن مني ساهر الليـل لشـروق= ويخط حرف الشوق سيل الدموعـي
والهم مني صار له فينـي عـذوق= حتى صلاتي غاب منها الخشوعـي
ياقاضي الأولاف فكري غدا طقـوق= في طرقتي ضيعت كـل الفروعـي
وأصبحت أنا ياقاضي الحب مطفوق= والقلب منه غادييـن فيـه روعـي
[/poem]
منقول

[/align]