مستانسين ونحسبنا على الدين

[عبدالعزيز الفرج]

السلام عليكم ورحمة الله وبركاته

هذي مصافحة أولى لمنتديات عتيبة

أتمنى أن تنال إعجابكم

[poem=font="traditional arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حنا نقول إنا على الدين ماشين = والدين في وادي وحنا بوادي
وقت الفجر يشكي لربه مسيكين = ما أحد (ن) يصلي فيه حضر وبوادي
وأخلاق ماش أخلاق ياربي تعين = نلعن ونطعن في ظهور العبادي
إلا القليل وقلة (ن) في القليلين = متمسكين بدينهم في اعتقادي
ما دب فينا الذل والضعف والبين = وتعادي الأحباب وحب الأعادي
إلا بعد ما خلي الدين بعدين = والفكر سمم سم والوضع عادي
كلمتك يالفاروق هالحين هالحين = بانت وبان الحق والنور بادي
ياللي تبون العز في غير هالدين = ياسرع مالله ذلكم في البلادي
مستانسين ونحسبنا على الدين = والدين في وادي وحنا بوادي[/poem]

عبدالعزيز الفرج